AmbonVibes.com – Gubernur Maluku Hendrik Lewerissa baru sa kase kepeng par bantu orang Hunuth di Ambon dan Masihulan di Seram. Akang pung nama bantuan recovery bencana sosial. Akang Basar Rp2 miliar.
Jadi, orang Hunuth dapa Rp1 miliar, orang Masihulan juga 1 miliar. Dua negeri ini pung rumah tabakar tagal konflik.
Bantuan dapa Kase di Aula Kantor Sinode GPM, Sabtu (30/8/2025). Wali Kota Ambon Bodewin Wattimena, dan Asisten III Setda Maluku Tengah Halit Pattisahusiwa tarima akang kepeng itu. Kapolda Maluku, Pangdam XVI/Pattimura, Kepala BIN Daerah Maluku, deng pejabat laeng ada iko acara ini.
Langkah Capat Pemerintah Provinsi
Gubernur Hendrik kase sambutan, ontua bilang bantuan ini bageang dari langkah cepat pemerintah provinsi setelah baku ator deng Pemkot Ambon, Pemkab Malteng, dan Forkopimda.
“Akang pung tujuan par rumah-rumah rusak deng tabakar di Hunuth deng Masihulan bisa capat biking bae deng bangong akang. Akang jua penting par cega rasa balisa deng dan gesekan sosial yang bisa bikin Maluku kaco kumbali,” tegas Gubernur.
Ia tamba, keamanan deng ketertiban itu syarat utama pembangunan. “Apa-apa yang katong karja, kalo situasi seng aman, akang samua parcuma. Jadi ini tanggung jawab samua par piara negeri ini,” ujarnya.
Tegaskan Penegakan Hukum
Gubernur Hendrik juga kase inga soal potensi konflik. “Kalau ada tindakan melawan hukum, beta su minta Kapolda par ambe langkah tegas sesuai atorang Jang kas biar akang jadi basar tagal cuma par biking orang banya tambah seng parcaya,” kata Hendrik.
Ia harap akang kepeng bantuan banar-banar dong pake par bangong kumbali dong pung rumah. “Semoga akang bawa manfaat par orang yang perlu akang, dan Maluku bisa tetap aman dan stabil,” pesannya.
Apresiasi dari Daerah
Wali Kota Ambon Bodewin Wattimena kase apresiasi par Pemprov Maluku.
“Ini luar biasa. Bantuan ini akan katong pake bae-bae par bangong kumbali rumah orang Hunuth. Mulai Senin muka, karja masohi akang jalang sama-sama TNI-Polri deng orang negeri,” kata Bodewin.
Asisten III Setda Malteng Halit Pattisahusiwa juga bilang bagitu. “Abis ini katong langsung lapo ka pimpinan. Katong parcaya pasti ada tindak lanjut nyata par warga Masihulan,” ungkapnya.
Penyerahan bantuan ini jadi bukti nyata bahwa Pemprov Maluku tetap hadir di tengah orang banya saat situasi darurat. Selain itu, juga jadi bageangdari komitmen jaga stabilitas sosial dan keamanan sebagai fondasi pembangunan di daerah. (red)
