Ambon, AmbonVibes.com – Wali Kota Ambon Bodewin Wattimena bilang, kasidah itu bukang cuma for hiburan mar juga bagian penting identitas budaya Islami di Ambon. Laeng daripada itu, kasidah bisa jadi jalang par tola kase nae ekonomi kreatif di kota paleng manis ini.
Wali Kota bilang itu pas buka Festival Seni Budaya Islami dan Pemilihan Duta Qasidah Kota Ambon 2025, Kamis (28/8/2025) di Gedung Azhari, Ambon. Taong ini, festival pake tema “Eratkan Silaturahmi Lewat Seni Qasidah, Par Ambon Pung Bae”.
Kasidah, Kota Musik, dan Ana Muda
Wali Kota bilang, festival ini bukang acara biasa-biasa sa, mar jadi strategi jangka panjang par biking manyala branding Ambon sebagai Kota Musik Dunia. Bukan cuma musik modern, mar juga musik Islami dan tradisional.
“Katong bikin kuat kurikulum musik di sekolah, jadi anana seng cuma tau musik modern, mar musik tradisional macam suling bambu lae. Itu par generasi muda tatap kanal, bangga, deng cinta akar budaya sandiri,” jelas Wattimena.
Ia kasi apresiasi par DPD LASQI Nusantara Jaya Kota Ambon yang tarus biking hidup kasidah di kota ini.
Wattimena minta par acara ini jang cuma orang lia dari akang pung sisi lomba, mar lebih lae ka ruang par kolaborasi deng bikin jadi karakter.
Festival Dua Hari, Meriah dengan UMKM
Festival ini akang jalang dua hari, deng 156 peserta dari rupa-rupa tampa. Bukang cuma lomba kasidah, tapi ada bazar murah lae. Pelaku UMKM lokal ada dapa pangge par iko di arena.
“Kasidah ini bukan cuma ekspresi seni, mar juga bagian dari upaya katong tola nae ekonomi kreatif di Ambon,” tambahnya.
Teluk Ambon & Masa Depan Kota
Dalam kesempatan itu, Wattimena juga ada singgung sadiki soal kerja sama antara pemerintah pusat, provinsi, dan kota par tata kawasan Teluk Ambon par jadi pusat budaya deng pariwisata.
“Festival ini jadi momentum par tambah erat silaturahmi antarwarga. Ambon seng cuma dikenal tagal musik modern, mar juga kaya dengan seni Islami yang hidop di dalang masyarakat Islam Ambon,” pungkas Wali Kota. (Leo)
