AmbonVibes.com – Fraksi Partai Gerindra DPRD Maluku dorong aparat hukum par karja batul-batul biking klar dugaan korupsi yang sampe oras ini masih tinggal jalang di tampa. Salah satu kasus itu, Surat Perintah Pembayaran (SPP) fiktif di Dinas Pendidikan Maluku, yang su lama jadi sorotan mar seng parnah jelas.
“Jang Cuma Wacana”
Ketua Fraksi Gerindra DPRD Maluku John Laipeni bilang, dong dekeng pono-pono langkah kas tegak hukum. Mar dia biking inga, jangan cuma carita kewel sondor hasil.
“Fraksi Gerindra dekeng karja nyata aparat hukum. Mar sampe oras seng ada satupun tersangka di kasus-kasus basar, termasuk SPP fiktif ini. Jang cuma jadi barang par bilang-bilang,” tegas Laipeni, di Gedung Rakyat, Karang Panjang Ambon, Kamis (18/9/2025).
Ia juga bilang, Presiden RI su kasih parentah: tindak tegas para pelaku korupsi, tagal akang pung dampak biking rakyat tambah miskin.
Cari Tambah Bukti Kalo Masih Kurang
Laipeni dorong aparat hukum par lebih aktif lae kumpul bukti dan saksi baru.
“Kalo memang balong cukup bukti, ya cari lai. Cari tambah saksi, cari alat bukti yang kuat. Jang brenti di tengah jalang. Kalo aparat seng serius, Fraksi Gerindra akan lapor ka DPP Partai di Jakarta,” ujarnya.
Gerindra Mo Kawal Tarus
Laipeni bicara pasti, Fraksi Gerindra bakal mo tarus keker kasus korupsi di Maluku. Bahkan laporan kinerja aparat hukum juga nanti mo kas tarus ka pimpinan partai, baik di provinsi maupun pusat.
“Beta seng mau, karja hukum cuma jadi retorika. Kinerja aparat di Maluku akan katong lapor langsung ka pimpinan partai,” pungkasnya.
Kasus SPP fiktif di Dinas Pendidikan Maluku masih tarus jadi perhatian orang banya. Mar sampa oras tadi, aparat sondor kase tau sapa ka sapa yang jadi tersangka. (Piere)
