AmbonVibes.com – Saparu orang di dua negeri baku birman di Pulau Haruku, Kabauw deng Kailolo, baku lipa pake sajam, Selasa (9/9/2025). Balong jalas dong kaco tagal apa mar akang biking panas di dua negeri.
Video Bentrokan Viral
Rekaman amatir yang orang bage-bage di medsos, dapa lia warga dua negeri baku iko dan baku hantam. Satu dua orang luka-luka, dong su evakuasi jauh dari tampa kajadiang. Video ini capat tabage-bagi sampe biking warga laeng kuatir bentrokan bisa lari ka mana-mana.
Kapolresta Pulau Ambon-Lease Kombes Yoga Putra Prima Setya bilang, memang batul ada kaco di dua negeri. Mar antua bilang su ambe langka capat par biking brenti orang bakalae.
“Personel yang turung, gabungan dari Polda, Polresta, dan Polsek. Dari Polda 4 SST (120 personel) gabungan Brimob dan Samapta, tambah deng Polresta dan Polsek 60 personel,” jelas Kapolresta lewat telepon.
Kondisi Mulai Terkendali
Aparat gabungan langsung capat-capat pigi ke lokasi buat biking stop orang bakalae. Oras ini, kondisi di dua negeri su mulai lebe bai, mar aparat masih tetap jaga rapat-rapat.
“Situasi aman sakaranf. Katong su kas badiri 3 pos jaga di batas Kailolo-Kabauw, dan di gunong. Tiap pos isi personel, dapa beking TNI dari Kodim dan Yonif 731 Karabesi,” tambah Kapolresta Yoga.
Motif Masih Dicari
Soal mangapa sampe pica orang dua negeri, polisi balong bisa kase tau jelas-jelas. Fokus utama sakarang jaga jang sampe konflik manyala kumbali.
“Sabar do, katong masih di TKP par kas stop kaco ini. Mohon waktu,” pinta Kapolresta. (red)
