AmbonVibes.com – Katua Majelis Latupati Kota Ambon Reza Valdo Maspaitella su angka nae Wali Kota Ambon Bodewin Wattimena dan Wakil Wali Kota Eli Toisuta deng gelar adat, Sabtu (6/9/2025).
Majelis Latupati kase gelar adat pake SK Nomor 02/MLKA/2025. Dalam SK, Bodewin dapa kase gela Upulatu Kota Ambon
Sedangkan Eli Toisuta dapa gelar Pati Kota Ambon. Gelar ini akang berlaku selama dong dua pung masa jabatan 2025–2030.
Bukan Cuma Seremoni
Katua Majelis Latupati Kota Ambon Reza Maspaitella bilang, dong kase gelar adat ini bukang sekadar seremoni, mar akang jadi simbol tanggung jawab besar par pemimpin.
“Gelar adat pak biking inga pemimpin jaga adat, budaya, dan bawa kesejahteraan par orang banya,” tegas Reza.
Wali Kota: Gelar Ini Amanah
Waktu sambutan, Wali Kota Wattimena bilang gelar adat yang dia terima itu amanah besar. “Upulatu dan Pati harus jadi teladan. Pemimpin wajib hidop damar par orang banyak jua Iko hidop bae-bae,” ujarnya.
Bodewin jua ada tambah, gelar adat ini bentuk sinergi antara pemerintah deng lembaga adat par jaga tradisi, biking kuath persaudaraan, dan ciptakan keharmonisan di tengah masyarakat.
“Ini tanggung jawab yang katong harus biking pake hati, par Ambon bisa tarus jadi kota dame, tampat samua orang bisa hidop baku birman,” kata Bodewin.
Ajak Jaga Kota Sama-sama
Di akhir sambutan, Wali Kota ajak samua warga Ambon par sama-sama jaga kahidupan orang basudara.
“Kota ini, katong samua punya. Mari jaga keamanan, ketenangan, dan kedamaian deng penuh rasa kebersamaan,” pungkasnya. (Leo)
