AmbonVibes.com –Taman Pattimura Ambon rame abis, Selasa (2/9/2025). Pemkot Ambon lewat KORMI bikinh Lomba Goyang Kreasi antar OPD, par biking rame hari jadi ke-450 Kota Manise.
Ketua Harian KORMI Richard Luhukay bilang peserta yang iko cukup banya. “Peserta ada 48. Bukang cuma OPD di Pemkot, tapi sekolah-sekolah lai Iko ambe bageang. Jadi tamba rame,” ungkap Richard.
Bisa Tampil Ulang di Acara Puncak
Menurut dia, lomba ini bukan par rame-rame sa lalu abis mar ada rencana par dong tampil kumbali pas acara puncak hari jadi Kota Ambon.
“Kalo seng ada halangan, samua peserta yang goyang hari ini nanti nae ulang pas acara puncak hari jadi Kota Ambon,” jelasnya.
Lebih dari Sekadar Lomba
Richard juga seng lupa bilang danke banya par Pemkot Ambon yang su parcaya KORMI par bikin lomba gelar
“Katong paleng apresiasi Bapak Wali Kota deng panitia pung dukungan. Kalo sondor dorongan ini, kegiatan-kegiatannrame bagini kayak begini susah jalang” tambahnya.
Rangkaian pesta hari jadi Ambon masih jalang . Besok, Rabu (3/9/2025), lanjut deng Lomba Senam Kreasi par umum, lalu ditutup dengan final Gawang Mini Parampuang.
“Beta harap lomba-lomba ini bukang cuma soal cari sapa juara, mar lebe par katong tambah baku deka, baku kanal, dan sama-sama biking rame hari jadi kota,” pungkas Richard. (red/mcambon)
