AmbonVibes.com — Proses administrasi hibah lahan di Kabupaten Seram Bagian Barat (SBB) kumbali dapa sorot dalang Rapat Komisi I DPRD Provinsi Maluku Deng Pemerrntah Kabupaten SBB dan Pemerrntah Provinsi Maluku, Kamis (2/4/2026).
Anggota Komisi I DPRD Provinsi Maluku Ismail Marasabessy pung panilaian, pangaellolaan aset lahan di akang wilayah sampe oras masih kas tinggal parsoalan mandasar yang balong abis.
Ismail bilang, rancana hibah lahan yang salama ini bajalang, musti dapa iko deng kajalasang status hukum. Dia kastau, sabageang bidang tanah yang maso dalang pambahasang su pung sertifikat atas nama instansi tartwntu.
Manurut dia, kondisi ini pung potensi biking polemik baru kalo paksa sondor deng tata administrasi yang jalas.
“Kalo akang pung status balong barsih, jang paksa par hibah. Akang bisa biking masalah hukum, eso-eso,” ujar Ismail.
Dia tekankan, panting paskali ati-ati dalang satiap langkah pangalolaan aset pemerentah, mangingat katarlibatan barbage pihak, mulai dar pemerentah kabupaten, provinsi, sampe instansi vertikal.
Salaeng parsoalan legalitas, Ismail juga sorot katimpangan antara luas lahan dalang rancana deng akang pung pamanfaatan di lapangan. Dar total area yang dapa bahas, cuma sabageang kacil yang su pake pae bangong fasilitas pemerentahan.
Samantara itu, sabagrang basar lahan laeng balong pung kajalasang status mopun rancana pamanfaatan.
“Akang manunjukkan bahwa parancanaan deng pangalolaan aset balong bajalang optimal,” kata Ismail.
Dia minta panyelasean akang parsoalan seng barenti di tataran wacana. Dia mandasak tim yang su tabantuk par lakas ambe langkah konkrit par dapa kapastian hukum par akang aset.
“Jang sampe akang tabiar lama-lama. Musti pasti-pasti par seng jadi beban administrasi,” tegas Ismail
Ismail juga manilai panting kas hadir pihak-pihak yang pung kawenangan dalang satiap pambahasan, par kaputusan yang dong ambe pung kakuatan hukum yang jalas deng seng bikin beda interpretasi, eso-eso.
Salaeng itu, parcapatan panyalaseang dokumen pandukung, tarmasuk kamungkinan panataan ulang kapamilikan aset, dia nilai jadi langkah panting par saluruh proses bajalang iko atorang.
Manurut Ismail, kapastian administrasi lahan jadi kunci par pambangunan di Kabupaten Seram Bagian Barat seng taganggu deng parsoalan yang su musti klir dar kamuka. (Leo/merindu)
