AmbonVibes.com — Anggota DPRD Kota Ambon Desy Kosita Hallauw biking dia pung kagiatang dalam reses masa parsidangan II Taong 2025/2026 di Dusong Airlow dan Waihaong, Kecamatan Nusaniwe, Kota Ambon, Salasa (17/03/2026).
Di Airlow, kagiatang reses rame. Ada lebe 250 warga datang iko acara baku dapa. Warga pake kasampatan itu par langsung sampekan barbage aspirasi par legislator asal Fraksi Partei Golkar itu.
Kapala Dusong Airlow waktu kase sambutan sampekan apresiasi par kahadiran wakil rakyat di tengah masyarakat. Dia harap reses jadi jambatang par wakil rakyat barjuang par kabutuhan warga di tingkat kabijakan.
“Malalui kasempatan ini, katong harap apa yang jadi kabutuhan masyarakat dapat dengar lalu perjuangkan akang,” ujar Kapala Dosung.
Dalang sesi dialog, baragam hal dapa angka ka muka. Mulai dar kabutuhan anggaran par kagiatan jamaat, pangambangan sektor pariwisata, sampe renovasi fasilitas pendidikan.
Warga juga taruh harapan par proposal kagiatan jemaat yang su kas maso bisa lakas tindak lanjut akang. Salaeng itu, potensi wisata Airlow dapa bilang, balong tagarap maksimal. Akang masih parlu dukungan sarius, bae dari sisi infrastruktur mopun modal.
Kaluhan laeng yang warga ada bilang akang uaitu jalang raya di kawasan Nusaniwe, lebe-lebe ruas Amahusu–Airlow–Latuhalat yang rusak. Lampu jalan jua paleng sadiki, akang hambat aktivitas warga pas malang hari.
Mananggapi samua aspirasi warga, Desy bilang dia pung komitmen parjuangkan aspirasi masyarakat, iko kawenangan yang dia punya.
Desy bilang, par proposal kagiatan jemaat, dia mo kase bantuan awal Rp10 juta.
“Takait proposal kapanitiaan, nanti katong bantu. APa yang bisa katong biking pasti katong biking, dan yang parlu suara, nanti katong suara akang,” tegas Dessy.
Desy juga dorong Dinas Koperasi dan UMKM par iko kas kuat sektor pariwisata malalui dukungan modal par palaku usaha lokal.
Takait infrastruktur jalang, dia jelaskan, kawenangan ada di pemerintah provinsi. Maski bagitu, aspirasi warga tetap dia sampekan ka Pemerentah Provinsi Maluku par biking akang.
Kalo lampu jalang, Desy akui masih banya titik yang parlu dapa parhatian, dan nanti mo biking bartahap iko kamampuan anggaran daerah.
Abis kagiatan di Airlow, Desy bale ka kota, buka puasa deng warga Waihaong. Sama di Airlow, di Waihaong lai, kagiatang bajakang dalang suasana hangat. Akang biking akrab wakil rakyat deng masyarakat.
Pas akhir kagiatan, Desy tekankan komunikasi barkelanjutan antara masyarakat dan DPRD paleng panting par satiap persoalan bisa wakil rakhyat usaha akang maksimal.
“Kahadiran katong di tengah masyarakat itu par dengar deng parjuangkan apa yang jadi kabutuhan bapak ibu samua,” tutup Dessy.
(red)
