AmbonVibes.com — Wali Kota Ambon Bodewin Wattimena mangaku Gerakan Mahasiswa Kristen Indonesia (GMKI) pung kontribusi nyata dalang parjalanan pambangunan bangsa deng daerah, lebe khusus Kota Ambon. Bodewin bilang akang di Pertemuan Raya Senior GMKI Cabang Ambon di Hotel Golden Palace Ambon, Sabtu (21/2/2026).
Waktu kase sambutan, Bodewin bilang paleng bangga deng GMKI yang su lahir sajumlah pamimpin, tarmasuk dua kader tarbaik GMKI Cabang Ambon yang parnah pimpin Kota Ambon.
“Dua kader GMKI Cabang Ambon parnah pimpin kota ini, yakni Pak Jopie Papilaya deng Pak Richard Louhenapessy. Ini su kas unju GMKI paleng pung peran penting par bangsa deng nagara,” ujar Bodewin.
Dia manilai, kabarhasilan kader-kader GMKI dapa posisi strategis di barbage bidang jadi bukti kualitas proses kaderisasi GMKI.
“Katong musti bangga karena orang-orang hebat Maluku tabage di mana-mana dan kase kontribusi di barbage bidang,” kata Bodewin.
Dia tekankan, pambangunan Kota Ambon seng bisa pemerentah daerah karja sandiri, malaengkang parlu dukungan saluruh elemen, tarmasuk senior dan kader GMKI.
“Bagemana katong tata masa depan kota ini, katong musti bangong karja sama, sinergi, deng kolaborasi lintas stakeholder,” tegas Bodewin
Dia juga apresiasi parhatian GMKI tarhadap parsoalan tata kalola sampah di Kota Ambon yang jadi salah satu isu strategis yang jadi bahan diskusi dalang pertemuan itu.
“GMKI bapikir soal tata kelola sampah dan iko diskusi bagemana biking beres masalah ini. Katong paleng apresiasi, karena itu kontribusi nyata par kota ini,” ungkap Wali Kota
Bodewin mangajak samua senior deng Badan Pengurus Cabang (BPC) GMKI Ambon par topang pambangunan kota iko peran deng tanggung jawab masing-masing.
“Mari katong bangong kota ini sama-sama, bae senior mopun kader aktif, iko kadudukan dengn katong pung jabatan,” kata Bodewin.
Dia juga minta dukungan kaluarga basar GMKI dalang upaya bangong Ambon ka arah yang lebe bae. (Leo)
