AmbonVibes.com — Kintal Kantor Bupati Maluku Barat Daya (MBD) dapa lia paleng moi, har Kamis (22/1/2026) pagi. Samua pagawe kabupaten yang iko apel basar pake baju tenun ikat asli daerah itu.
Bupati MBD Benyamin Th. Noach badiri pimpin apel. Ada Wakil Bupati, Sekretaris Daerah, staf ahli, asisten, pimpinan Organisasi Perangkat Daerah (OPD), pajabat struktural, deng samua ASN di lingkungan Pemerentah Kabupaten Maluku Barat Daya.
Dalang arahan, Bupati Benyamin Th. Noach biking inga samua ASN, kabijakan pake baju dar kaeng tenun ikat asli MBD itu su ada dalang Paraturan Bupati dar taong 2022. Mar Bupati lia-lia, sampe su taong 2026 ini masih ada ASN yang balong iko atorang itu.
Bupati kase batas waktu sampe bulang muka par samua ASN su pake kameja tenun utuh khas MBD, bukang sakadar kaeng tenun yang gantong di leher ato rompi.
“Yang boleh pake itu tenun asli Maluku Barat Daya. Bukang tenun dar daerah laeng, deng bukan pula sakadar asesoris,” tegas Bupati.
Manurut Benyamin, pamakeang tenun ikat bukang cuma soal panampilan, malaengkang bageang dar upaya palastarian budaya deng panguatan identitas daerah dalang aktivitas pemerentahan.
“Kebijakan ini pung tujuan par katong pung tradisi deng budaya seng ilang. Pamakean tenun ikat juga biking kuat identitas daerah dalang aktivitas pemerentahan,” ujarnya.
Salaeng itu, Bupati harap kabijakan itu bawa dampak ekonomi langsung par masyarakat yang biking tenun di MBD.
“Kalo hasil tenun laku tajual, maka masyarakat yang karja tenun bisa pung pandapatan yang signifikan. Ini bageang dara kabarpihakan pemerentah par epada ekonomi rakyat,” kata Benyamin.
Takait standar bapake ASN, Bupati jelaskan panarapan ini bartahap. Pada tahap awal, samua ASN wajib pake kameja tenun khas MBD.
Samantara tahap barikut, pajabat struktural macang kapala dinas, sekretaris, kapala bageang, deng camat wajib pung jas resmi yang nanti pake dalang apel deng kagiatan formal pemerentahan.
Salaeng soal disiplin deng identitas ASN, Bupati juga tekankan efisiensi pangalolaan kauangan daerah par kepeng banar-banar pake par kapantingan masyarakat.
Dalang manajemen ASN, Benyamin instruksi biking rotasi pagawe sacara taukur, deng pake kabijakan masa jabatan bendahara maksimal dua taong.
Dia juga secara tegas larang praktik partukaran bendahara antar dinas yang libatkan orang yang sama.
“Katong musti tartib dalang tata kelola kauangan. Seng boleh ada bendahara yang pindah-pindah dinas mar dia pung orang itu-itu sa,” tegasnya.
Par isi jabatan eso-eso, Bupati MBD tegaskan mo terapkan sistem manajemen talenta. Panampatan jabatan, kata dia, nanti iko bakat, kompetensi, deng kapasitas ASN, bukang cuma latar balakang pendidikan ato faktor laeng.
“Katong akang taruh orang sesuai talenta dan kamampuan. Ini penting par birokrasi bajalan efektif dan palayanan masyarakat tamba lebe bae,” pungkas Benyamin. (red)
