AmbonVibes.com — Kajaksaan Tinggi (Kejati) Maluku kumbali tegaskan komitmen barantasan tindak pidana korupsi dengan biking abis tahap dua parkara dugaan korupsi panyaluran Kredit Usaha Rakyat (KUR) di BRI Cabang Ambon Kota. Proses tahap dua barupa panyarahan tarsangka, barang bukti, deng barkas parkara par Jaksa Penuntut Umum (JPU), Senen (19/1/2026).
Kapala Seksi Penyidikan (Kasidik) Kejati Maluku Richard Lawalata bilang, samua barkas parkara su lengkap ato P-21 dar panuntut umum. Tagal itu, panyidik langsung biking tahap dua iko prosedur hukum. Deng rampung tahap ini, parkara itu resmi maso ka fase panuntutan lalu siap par sidang di pangadilan.
“Palaksanaan tahap dua har ini pas abis samua barkas perkara su lengkap. Tarsangka, barang bukti, deng barkas perkara su katong kase ka Jaksa Penuntut Umum,” ujar Richard Lawalata saat ditemui di Kantor Kejaksaan Negeri Ambon.
Dia tegaskan, Kejati Maluku pung komitmen tuntaskan satiap perkara korupsi sacara profesional deng transparan, tarmasuk kasus yang takait program-program strategis pemerintah macang KUR.
Dalang perkara ini, Kejati Maluku su pastikan Fitria Jania Juniarti, mantan pagawe BRI Cabang Ambon, sabage tarsangka. Dia dapa duga biking panyimpangan serius dalang panyaluran program KUR salama periode Taong Anggaran 2022 sampe 2024.
Panyidik bilang, tarsangka biking aksin deng cara memanfaatkan data kapandudukan milik masyarakat, lebe khusus padagang. Kartu Tanda Penduduk (KTP) calon debitur dia pinjam par ajuan kredit, sondor iko proses penyaluran dana par pemilik identitas yang asli.
Abis pangajuan kredit dapa satujui pihak bank, tarsangka langsung kuasai kartu ATM deng buku tabungan milik debitur.
“Dana memang maso ka rekening debitur, mar tarsangka kuasa akang saluruh akses ka rekening. Tersangka, pegang ATM dan buku tabungan lalu tarek dana par pake par diri pribadi,” ungkap Lawalata.
Akibat parbuatan malawang hukum itu, nagara dapa rugi kepeng cukup signifikan, yakni mancapai Rp1,9 miliar. Karugian ini barasal dar panyaluran kredit fiktif yang seng pake iko tujuan utama program KUR sabage panguatan ekonomi masyarakat kacil.
Kejati Maluku manilai, tindakan tarsangka seng cuma biking rugi kauangan negara, mar juga biking cedera kaparcayaan publik par program bantuan pemerentah yang musti par palaku usaha kacil.
Deng rampung tahap dua ini, perkara dugaan korupsi KUR BRI Cabang Ambon su mo sidang. Kejati Maluku tegaskan, mo tarus kawal proses hukum sampe abis.
“Katong inging pastikan proses panagakan hukum bajalan adil, transparan, dan kase efek jera,” pungkas Lawalata. (Piere)
