AmbonVibes.com – Pemerentah Kota (Pemkot) Ambon managaskan seng mo biking pesta kambang api pas malang tutu taong 2025 dan maso tambaru 2026. Kabijakan itu par kase empati deng panghormatan par korban-korban bancana alam di Sumatera.
Wali Kota Ambon Bodewin Wattimena kase tau kaputusang ini, pas abis pantau palaksanaan parayaan Har Kajadiang 2025 di Kota Ambon, Kamis (25/12/2025).
Bodewin jalaskan, kabijakan itu kaluar pas abis pemerentah daerah lia kondisi nasional sakaligus tindak lanjut Kapolri pung parnyataan seng kase izin pesta kambang api di malang pargantian taong.
“Hari ini katong su pantau parayaan Natal di Ambon dan samua bajalang deng bae. Ada konflik-konflik kacil mar lakas saja bisa dapa tangani,” ujar Bodewin.
Manurut Bodewin, tutu taong sondor pesta kambang api itu wujud solidaritas dan rasa belasungkawa Pemerentah Kota Ambon par masyarakat di Sumatera yang kana bancana.
“Karena katong turut bela rasa par katong png sudara-sudara di Sumatera. Yang lebe panting itu bagemana parayaan Kajadiang deng Tambaru, biking akang deng pono makna,” katanya.
Bodewin ajak masyarakat Kota Ambon par ini momentum Kajadiang dan Tambaru deng kagiatan yang lebe pung makna, salah satunya malalui doa barsama par para korban bancana.
“Alangkah lebe bae kalo Kajadiang deng Tambaru katong isi deng doa barsama par dong yang kana musibah di Sumatera, par kase dong kakuatan deng pamulihan,” ucapnya.
Dia tegaskan, parayaan tutu taong seng harus biking lebe-lebe, mar biking akang par momentum refleksi deng kapadulian sosial.
Pemkot Ambon, lanjut Bodewin, deng aparat kaamanan terus mo jaga situasi kaamanan deng katartiban masyarakat (kamtibmas) par parayaan Kajadiang deng Tambaru di Kota Ambon bisa aman, damai, deng kondusif.
Sabalong ini, Kapolri Jenderal Listyo Sigit Prabowo su bilanlg tegas kapolisian seng akan kas kaluar izin pesta kembang api di malang puncak pargantian taong. Kabijakan ini juga barlaku di daerah-daerah di Indonesia par jaga katartiban deng kanyamanan masyarakat. (Leo)
