AmbonVibes.com — Wali Kota Capelle Joost Manusama jao-jao tarbang dar Balanda ka Ambon. Di Kota Manise, langsung bakudapa Wali Kota Ambon Bodewin Wattimena, Rabu (26/11/2025). Dong dua baku dapa, stori-stori par lia kamungkinan karja sama kadua kota.
Waktu baku dapa di Balai Kota Ambon, Wali Kota Bodewin deng Wali Kota Joost Manusama bahas isu-isu strategis. Diskusi tamaso ka masalah pananganan sampah, sadia air bersih, pambangunan infrastruktur, biking majo pariwisata, sampe potensi karja sama di sektor kapelabuhanan.
“Kunjungan ini jadi kesempatan par batukar pikirang soal kondisi Ambon deng peluang kolaborasi AmbonCapelle. Kami mendapat respons positif; ada banyak hal baik yang bisa diterapkan di Ambon,” ujar Wattimena.
Sabage langkah awal, kadua pihak sepakat susun proposal resmi par mulai karja sama. Kolaborasi ini juga buka peluang hubungan sister city Ambon-Capelle, melanjutkan karja sama yang su kamuka tajaleng malalui program Ambon-Vlissingen.
“Semoga karja sama ini kase nilai tambah bagi Kota Ambon,” tambah Wali Kota.
Melalui juru bicara, Wali Kota Joost Manusama sampekan, kunjungan ini marupakan partemuan langsung antar wali kota, par buka peluang kerja sama yang lebe luas eso-eso.
“Katong diskusi macang-macang program yang bisa katong karja sama-sama, lebe-lebe soal pariwisata deng infrastruktur,” jelasnya.
Joost Manusama adalah orang keturunan Maluku, dan jadi wali kota partama turunang Maluku di Balanda dalang 75 taong orang Maluku di rantau sana. Kahadirang deng kunjungan di Ambon jadi simbol par biking kuat hubungan kultural dan potensi karja sama strategis antara kedua kota. (Keket)
