AmbonVibes.com — Ketua DPD PDI Perjuangan Maluku Benhur Watubun deng tegas bilang partai yang dia pimpin tetap batimbang par rakyat kacil. Deng dalapang kadera di DPRD Provinsi Maluku, dong jadi salah satu yang paleng pengaruh par kase arah kebijakan di lembaga legislatif.
“Kalo kebijakan pemerentah seng pro-rakyat, katong mo badiri deng masyarakat,” tegas Benhur, Kamis (13/11/2025).
Benhur bilang, jumlah dalapang kadera PDI Perjuangan musti pake akang par pastikan samua yang pemerentah biking musti batimbang par rakyat, lebe-lebe di pulau-pulau terluar dan daerah terpencil.
“Parcuma pung dalapang kursi kalo katong pung pendapat seng dapa dengar. Biar Katong seng di pemerentah, Katong salalu biking inga pemerentah pung kebijakan seng boleh biking rugi rakyat kacil,” tambahnya.
Benhur juga tekan, PDI Perjuangan pung sikap itu akang berlaku dar pusat sampe tampa-tampa paleng jao di jiku-jiku.
“Deng kekuatan yang katong punya, samua kepentingan fraksi bisa katong akselerasi dan katong pung pengaruh di pemerentah tambah kantara,” pungkas Ketua DPRD Maluku itu.
Deng posisi strategis di DPRD, PDI Perjuangan Maluku komitmen jadi pengawas deng pengawal kepentingan masyarakat kecil, lalu pastikan samua kebijakan pemerentah tetap pro-rakyat. (Vera)
