AmbonVibes.com — Paguyuban Kerukunan Keluarga Besar Maluku (KKBM) iko ambe bageang dalang pesta Basar harjadi ke-26 dan Irau ke-11 Kabupaten Malinau Kalimantan Utara.
KKBM kas turung penari deng penyanyi yang biking penonton eleng di muka Panggung Budaya Padan Liu’ Burung, Malinau, Selasa (21/10/2025).
Artis-artis Maluku manari cakalele, orlapei, lenso, deng manyanyi lagu Nusaniwe, ciptaan Bing Leiwakabessy. Dong juga biking persembahan simbolik pohon sagu.
Samua yang dong kas unju akang biking gerat penonton. Orang Maluku jua bangga paskali bisa Iko festival.
Ketua Panitia Festival Sertu Fahmi Makiang paleng apresiasi dukungan pemerintah dan masyarakat par biking sukses festival.
“Festival ini bukang cuma manyanyi manari di panggung mar juga kesempatan par kas kanal budaya Maluku, dar tarian, musik, sampe makanang khas par orang banya. Anana yang iko jua bisa kanal dong pung jati diri mereka,” ujarnya.
Ketua Paguyuban KKBM Maluku Bung Stein Lefta bilang paguyuban sakarang pung 400 anggota dari macang-macang profesi, mulai ASN, TNI/Polri, pengusaha, sampe petani, yang hidop harmonis bae-bae deng orang Kalimantan.
“Paguyuban ini badiri deng samangat Basudara daleng masohi. Katong dukung pemerintah pa samua pung bae,” katanya.
Bupati Malinau Wempi W. Mawa kase apresiasi par orang Maluku.
“Budaya itu katong dan katong itu budaya. Danke par samangat deng warna Maluku dalang acara Irau taong ini,” katanya.
Bupati Wempi ajak orang Maluku di Malinau par tarus jaga ikatang dan iko bangong daerah.
“Mari katong piara hidop orang basudara par Malinau yang maju dan sejahtera,” tutupnya. (red)
