AmbonVibes.com — Pemerintah Kota Ambon hadir kumbali par warga manise. Kali ini kase kursi roda, tongka, deng alat bantu laeng par penyandang disabilitas. Kegiatan ini dong biking di kintal balakang Balai Kota Ambon, Senin (20/10/2025), pas waktu apel pagi lingkup Pemkot Ambon.
Wali Kota Ambon Bodewin Wattimena kase langsung par warga yang parlu akang. Wali Kota puji Dinas Sosial yang su ator program ini, yang akang pung kepeng dari APBD Kota Ambon 2025.
“Dangke Dinas Sosial su jawab program prioritas sayabwrsaam walik wali kota. Katong mau paskali samua warga kota dapa perhatian, termasuk para penyandang disabilitas,” ujar Bodewin.
Wali Kota bilang kehadiran pemerentah par masyarakat rentan, terutama dong yang ada di bawah garis kemiskinan dan penyandang disabilitas, menjadi prioritas.
“Dong yang parlu bantuan, katong kalesang tarus bae dong pung bahan pokok, bae itu alat bantu. Mudah-mudahan bantuan ini bisa jadi buktiv Pemkot hadir deng kalesang dan par warga parlu,” tambahnya.
Wali Kota harap, bantuan ini bisa kas nae penyandang disabilitas di Kota Ambon pung kualitas hidop. (Piere)
