AmbonVibes.com – Polresta Ambon-Lease biking kaputusan streng: Ipda Saffarudin Mekkah (SM) su resmi dapa pecat sondor hormat (PTDH) setelah terbukti biking pelanggaran barat, tamba deng pi kaweng sondor dapa izin maitua deng kas talaberang bini ana.
Upacara PTDH digelar di lapangan Polresta Ambon, Jumat (3/10/2025). Kapolresta Kombes Pol Yoga Putra Prima Setya pimpin acara itu. Pejabat yang hadir itu ada Wakapolresta, pejabat utama, dan anggota Polresta laeng. Meski SM seng hadir, anggota Provos bawa foto SM yang dapa coret krois sebagai simbol dapa pecat.
Kaputusan ini dong aambe pas abis sidang Komisi Kode Etik dan Profesi (KKEP) yang bilang SM langgar kode etik profesi dan kode etik Polri.
Dalam amanat, Kapolresta Yoga tekankan, “Upacara PTDH ini bukang par bangga mar jadi rasa manyasal dan biking inga Katong samua.”
Ia juga kase inga samua anggota par selalu hargai perjuangan jadi polisi, pikir arif sebelum ambe kaputusan, dan jaga nama bae diri, keluarga, deng institusi.
“Jang sampe samua dapa noda tagal parbuatan yang kas rugi diri sandiri dan keluarga, deng coreng nama bae Polri,” tegas Yoga.
Ipda SM dapa pecat par biking inga bahwa disiplin, tanggung jawab, Deng integritas tetap jadi prinsip utama par samua personel Polresta Ambon. (red)
