AmbonVibes.com – Katua DPRD Provinsi Maluku Benhur Watubun bilang, proses hukum parkara dugaan kakarasang par Veronika Rahanyanat, karyawati Perusahaan Mutiara Lik di Kecamatan Kei Kecil Barat, Kabupaten Maluku Tenggara (Malra), musti tarus bajalan maski su ada santunan par kaluarga korban.
Benhur sampekan itu di Ambon, Rabu (4/3/2026), manyusul informasi pambarian santunan Rp50 juta dar pihak perusahaan par kaluarga almarhum Veronika.
Manurut Benhur, kompensasi finansial seng bisa ganti kaadilan hukum, lebe-lebe dalang parkara yang diduga ada kakarasang sampe nyawa malayang.
“Maski ada upaya dame malalui santunan, proses hukum wajib tetap bajalang,” tegas Benhur.
Benhur manilai, kamatian Veronika yang diduga tagal ada kakarasang, itu paleng seng manusiawi dan malanggar Hak Asasi Manusia (HAM). Tagal itu, ia curiga ada motif laeng di balakang santunan itu.
“Ada kesan, dong pung upaya tutu hal seng beres. Parusahaan coba jalur kakaluargaan, par proses hukum mandek,” ujar Benhur.
Dia biking inga, kalo kasus macang ini seng sampe tuntas, maka akan muncul preseden buruk di dalang masyarakat.
“Kalo kas biar akang, bisa jadi preseden yang saolah-olah biking normal parkara orang maninggal. Padahal ini manyangkut martabat dan hak asasi manusia, mannganai nyawa yang musti dapa jaga,” tegas Benhur.
Tagal paristiwa itu, Benhur desak Parusahaan Lik Mutiara tanggung jawab insiden yang biking ilang dong pung salah satu karyawati pung gnyawa. Dia tekankan, panagakan hukum musti jadi prioritas, sondor rintervensi ato upaya kompromi yang bisa-bisa biking kabur kabanaran.
Parkara ini barmula dar dugaan panganiayaan tarhadap Veronika Rahanyanat, karyawati Perusahaan Lik Mutiara, di Kecamatan Kei Kecil Barat, yang biking korban maninggal dunya 19 Februari 2026.
Desakan Katua DPRD Provinsi Maluku ini jadi harapan baru par kaluarga korban dalang mamparjuangkan kaadilan, sakaligus mo pastikan setiap tindakan kakarasan yang ambe nyawa orang seng luput dar jerat hukum. (Leo)
