AmbonVibes.com – Katua DPRD Provinsi Maluku Benhur Watubun kase tau ada indikasi serius dalang pangalolaan aset daerah di Pasar Mardika Ambon. Dia sebut nama PT Bumi Perkasa Timur (BPT) salaku pihak katiga pangalola ruko deng retribusi, tarlibat dalang sangketa pangelolaan yang ada potensi mangarah ka dugaan kajahatang.
Benhur bilang akang ka wartawan di Ambon, Rabu (28/1/2026), tagal parsoalan setoran deng tata kelola aset Pasar Mardika seng ada ujung pohong.
“Kalo ada salah sadiki-sadiki, ya itu bisa biking bae. Mar yang ini bukang kasalahan kacil lai, mar kajahatang ini su basar,” tegas Benhur.
Benhur jalaskan, DPRD mulai hawatir tagal pangalolaan aset Pasar Mardika seng kase kontribusi yang haros ka pamerientah daerah. Padahal, pangalolaan ruko deng retribusi pasar musti jadi salah satu sumber pandanaan pambangunan daerah.
“DPRD su ulang-ulang sampekan rekomendasi dan desakan ka aparat panagak hukum par usut parsoalan ini sampe tuntas,” ujar Benhur.
Dia tegaskan, setoran yang lemah deng pangalolaan yang seng transparan akang pung potensi biking rugi daerah dalang jangka panjang.
Maski sebut ada indikasi kajahatang, Benhur tegaskan DPRD tatap hormat proses hukum dan seng mo paparipi jatuhkan panghakiman.
“Proses hukum tatap musti kas jalang. Katong seng bisa langsung jadi hakim mar samua indikasi ini musti dapa uji sacara hukum,” kata dia
Benhur juga biking inga potensi praktik simbiosis mutualisme yang bisa biking lebe parah parsoalan jika seng lakas dapa cegah.
“Kalo ada samacam simbiosis mutualisme di sana, itu yang musti katong cegah. Parnah ada kasus macang ini yang sempat dapa tutu mar tagal desakan masyarakat, aparat penegak hukum sakarang lebe responsif, dan itu beta apresiasi,” tandas Benhur. (Leo)
