AmbonVibes.com — Alokasi Dana Desa (DD) deng Alokasi Dana Desa (ADD) par 30 desa dan negeri di Kota Ambon Taong Anggaran 2026 turung signifikan kalo banding deng taong-taong lalu. Bahkan, total anggaran yang dapa taong ini, tacatat lebe randa dar alokasi taong 2023.
Kapala Badan Pengelola Keuangan dan Aset Daerah (BPKAD) Kota Ambon Jacob Silanno bilang, panurunan itu dapa lia jelas dar pagu anggaran DD dan ADD yang Pemerentah Kota Ambon punya taong 2026.
“DD dan ADD sesuai daftar yang katong terima, akang turung cukup jao jika banding deng taong-taong sabalong ini,” ujar Silanno kepada media, Kamis (22/1/2026).
Silanno paparkan, taong 2023, alokasi ADD di Kota Ambon pung basar Rp67.589.651.800, sementara DD pung basar Rp30.480.085.000. Deng bagitu, total DD dan ADD taong-taong itu mancapai Rp98.069.736.800.
Taong 2024, anggaran nae. DD nae jadi Rp31.238.989.000, sedangkan ADD dapa Rp72.077.802.262. Total DD dan ADD juga nae jadi Rp103.316.791.262.
Kanaikan tarjadi kumbali taong 2025 dan boleh bilang akang signifikan. Alokasi DD tacatat pung basar Rp33.818.029.000, sementara ADD mancapai Rp73.090.479.310. Total DD dan ADD taong 2025 mancapai Rp106.908.499.310.
Mar kondisi itu tabula-bale taong 2026. Bardasarkan data BPKAD Kota Ambon, alokasi DD turung jadi Rp29.283.492.000, sadangkan ADD cuma Rp61.777.419.900. Deng bagitu, total DD dan ADD Kota Ambon taong ini mancapai Rp91.060.911.900.
“Penurunan taong 2026 ini cukup jao, bahkan lebe randa kalo banding deng taong 2023,” tegas Silanno.
Panurunan drastis alokasi DD dan ADD itu biking kuatir, bisa pung dampak langsung di barbage program pambangunan desa dan negeri, pambardayaan masyarakat, deng operasional pemerentahan di tingkat desa di Kota Ambon.
Silanno harap, pemerentah daerah bisa lakas biking panyasuaian kabijakan deng strategi panganggaran agar palayanan publik di tingkat desa tatap bajalang optimal maski di tengah katarbatasan anggaran.
“Harus ada panyasuaian kabijakan dan strategi par program-program desa tetap bajalang deng palayanan par masyarakat seng taganggu,” pungkasnya. (Piere)
