AmbonVibes.com — Katua Latupati Kota Ambon Reza Valdo Maspaitella mangimbau samua warga par iko katantuan hukum takait larangan mabo di tampa umum. Bagitu juga parbuatan-parbuatan yang mangganggu katartiban lingkungan. Imbauan ini dia sampekan sabage bantuk dukungan par jaga kaamanan, kanyamanan, deng kaharmonisan hidop orang basudara di Kota Ambon.
Manurut Reza, kalakuang mabo-mabo di tampa umum paleng banya jadi pamicu gangguan kaamanan, konflik sosial, sampe tindak kakarasan. Karena itu, kesadaran hukum masyarakat menjadi kunci utama dalam menciptakan lingkungan yang aman dan damai.
“Minuman karas deng kalakuang mabo di tampa umum sering jadi pemicu gangguan kaamanan deng konflik sosial. Tagal itu, warga musti sadar deng taat hukum par jaga kadamean hidop barsama,” ujar Reza, Minggu (18/1/2026).
Imbauan ini, kata Reza, sajalang deng ketentuan Kitab Undang-Undang Hukum Pidana (KUHP) Baru, Undang-Undang Nomor 1 Tahun 2023, yang ator secara tegas sanksi pidana par palaku mabo di tampa umum mopun pihak yang sadia minuman karas secara seng bartanggung jawab.
Dalang Pasal 316 Ayat (1) KUHP Baru, akang ator, satiap orang yang mabo di tampa umum deng ganggu kateartiban ato biking bahaya orang laeng pung kasalamatan bisa dapa pidana deng denda paleng banya kategori II atau maksimal Rp10 juta.
Samantara itu, Pasal 316 Ayat (2) mangator, sasaorang yang dalang kaadaan mabo biking pakarjaan yang parlu ati-ati tagal pung potensi biking bahaya nyawa ato kesehatan orang laeng, dapa kana pidana panjara paleng lama 1 taong ato denda kategori III, deng nilai maksimal Rp50 juta.
Seng cuma orang mabo, KUHP Baru juga kase sanksi par pihak yang jual ato kase minuman atau bahan memabukkan.
Malalui Pasal 424 Ayat (1), palaku dapa kana pidana deng panjara paleng lama 1 taong ato denda kategori II. Bahkan, kalo parbuatan itu par anana, sabagaimana dapa ator dalang Pasal 424 Ayat (2), ancaman pidana nae jadi panjara paleng lama 2 taong ato denda kategori II.
Salaeng itu, KUHP Baru juga tegaskan larangan par parbuatan yang ganggu katantraman lingkungan. Dalang Pasal 265, satiap orang yang biking hingar-bingar atau barisik malang hari, deng biking tanda ato seruan bahaya palsu, bisa kana pidana denda maksimal kategori II ato Rp10 juta.
Reza tekankan, panagakan hukum seng bisa bajalan sandiri kalo sondor dukungan masyarakat. Peran tokoh adat, tokoh agama, deng samua elemen warga paleng panting dalang manjaga nilai-nilai hidop orang basudara di Maluku.
“Mari katong jaga Ambon sabage rumah barsama. Maluku musti bikin bae, basudara musti biking bae,” pungkasnya. (red)
