AmbonVibes.com — Tambaru 2026 masih muda, mar su ada kabar bae par Kota Ambon Manise. Ambon dapa nilai 4,06 dari skala maksimal 5. Bagitulah angka indeks hasil Pamantauan dan Evaluasi Panyalanggaraan Palayanan Publik Taong 2025 di Provinsi Maluku.
Prestasi bae ini akang ada dalang Kaputusan Menteri Pendayagunaan Aparatur Negara dan Reformasi Birokrasi (PANRB) Nomor 3 Taong 2026 yang kaluar har Jumat (9/1/2026). Deng indeks 4,06 dari skala maksimal 5,00, Ambon maso dalang kategori A Minus (A-)
Hasil ini juga sakaligus hasil paleng tinggi di Maluku. Samua kabupaten/kota laeng di Maluku pung nilai paleng variasi, di bawah Kota Ambon. Ambon dapa nilai mampu panuhi sabageang basar indikator palayanan publik sacara konsisten.
Dalang Undang-Undang Nomor 25 Tahun 2009 tentang Pelayanan Publik, satiap pemerentah daerah wajib biking palayanan publik sacara komprehensif. Kawajiban ini maliputi palayanan langsung ka masyarakat, pangalolaan aspirasi deng pangaduan, katarbukaan informasi publik, pangawasan internal, sampe panyuluhan deng konsultasi.
Dalang panilaian PEKPPP, ada tujuh indikator utama yang jadi dasar evaluasi, yakni kabijakan palayanan, profesionalisme sumber daya manusia, katarsediaan dan kualitas sarana-prasarana, sistem informasi pelayanan publik, mekanisme konsultasi dan pangaduan, inovasi palayanan, deng indikator pandukung laeng.
Wali Kota Ambon Bodewin Wattimena paleng sanang deng bangga deng hasil bae ini. Dia sampekan apresiasi par samua jajaran Pemerentah Kota Ambon yang terlibat talibat iko langsung dalang palayanan publik.
“Hasil ini, buah karja karas samua aparatur pemerentah kota, dar tingkat eselon sampe patugas yang langsung layani masyarakat di lapangan. Katong seng cuma fokus di angka, mar fokus di pelayanan yang banar-banar kase manfaat deng biking gampang warga Ambon,” ujar Bodewin saat dihubungi dari Ambon, Jumat (9/1/2026) malang.
Manurut Bodewin, capean ini mancerminkan komitmen Pemkot Ambon par terus bangong sistem palayanan yang responsif, transparan, dan gampang dapa akses.
Bodewin tegaskan, capean kategori A- seng akang biking pemerentah kota bapuas diri. Justru, hasil ini jadi pemicu par biking beres-beres di seajumlah sektor yang masih bisa kas bae.
“Katong samangtara susung langkah-langkah biking bae, tarutama dalang pangambangan sistem informasi dan inovasi pelayanan. Target katong jalas, taomh depan bisa dapa kategori A,” tegasnya.
Salaeng itu, Wali Kota juga bilang, Pemkot Ambon siap kolaborasi deng pemerintah provinsi mopun kabupaten/kota laeng di Maluku dalang upaya biking lebe bae mutu palayanan publik sacara lebe marata.
“Katong inging kamajuan ini seng cuma dapa rasa di Ambon mar juga di saluruh wilayah Maluku. Palayanan publik yang bae adalah hak samua warga,” pungkasnya. (keket)
