AmbonVibes.com — Ada tanda-tanda bae di Ambon Manise, dalang hal lapangan karja dan ekonomi. Ternyata, banya orang mulai suka dunya usaha. Jumlah Nomor Induk Berusaha (NIB) yang su kaluar dar Pemkot Ambon sapanjang taong 2025 su sampe di angka 8.287.
“Paningkatan ini jadi bukti bahwa deng proses pangurusan izin lebe sederjama yang katong biking, akang su kase dampak positif par masyarakat deng palaku usaha,” ujar Wali Kota Ambon Bodewin Wattimena, par wartawan di Balai Kota Ambon, Jumat (9/1/2026).
Paningkatan signifikan dalang jumlah izin dan NIB sapanjang taong 2025, juga baku iko deng rancana bangong Mall Pelayanan Publik (MPP). MPP akang ada par biking layanan adimistrasi par masyarakat lebe gampang deng capat.
Manurut Bodewin, jumlah izin yang kaluar mancape 11.417 izin. Angka itu mancakup barbage jenis izin, mulai dar izin usaha, izin mendirikan bangunan (IMB), sampe izin lingkungan hidup. Tanda-tanda bae ini, kata Bodewin, tagal ada reformasi birokrasi di sektor parizinan yang su jadi salah satu fokus utama Pemkot Ambon par biking wer-wer usaha yang lebe sehat deng kompetitif.
Tentang tren positif NIB yang su sampe angka 8.287 NIB, Bodewin bilang, satiap NIB yang kaluar bukang sakadar angka statistik, mar jadi pondasi par lahir usaha-usaha baru di Kota Ambon.
“Satiap NIB akang jadi dasar par usaha baru, yang nanti mo cipta lapangan kerja dan biking bae aendapatan masyarakat Kota Ambon,” jelasnya.
Paningkatan kualitas layanan parizinan iko biking dampak langsung par iklim investasi. Bardasarkan data Pemkot Ambon, realisasi investasi taong ini mancape Rp 269,14 miliar. Investasi itu barasal dari barbage sektor strategis, antara laeng pardagangan, pariwisata, deng industri kacil-manengah.
“Kondisi perizinan yang tamba lebe bae biking Kota Ambon tamba manarik par palaku investasi biking usaha,” tambah Bodewin
Par kas kuat sistem pelayanan, Pemkot Ambon sakarang samantara rancana bangong Mall Pelayanan Publik (MPP). Fasilitas ini su dapa rancang sabage pusat layanan tarpadu satu pintu par saluruh kabutuhan administrasi masyarakat.
“Nanti, masyarakat bisa urus samua kaparluas parizinan deng dokumen resmi dalang satu lokasi yang nyaman dan terintegrasi, jadi hemat waktu deng tanaga,” katanya.
Deng MPP ini, Bodewin harap akang jadi simbol transformasi pelayanan publik di Kota Ambon yang lebe modern, efisien, deng ramah masyarakat.
Di laeng sisi, Pemkot Ambon juga tegaskan komitmen par terapkan layanan yang bebas dari praktik pungutan liar (pungli) deng suap.
Langkah itu mancakup panyusunan regulasi yang lebe katat, palatihan bagi patugas palayanan, deng pambentukan tim pangawas yang akan mamantau satiap tahapan pangurusan izin.
“Katong mo pastikan proses parizinan bajalan transparan deng sondor unsur palanggaran hukum,” tegas Bodewin.
Diaa juga ajak samua elemen masyarakat par dukung barbage program reformasi palayanan publik yang ada samantara Pemkot Ambon biking akang.
“Dukungan masyarakat paleng panting par kualitas palayanan tarus maningkat deng kase manfaat nyata par partumbuhan ekonomi deng pambangunan daerah,” pungkasnya. (Piere)
