AmbonVibes.com – Pemerentah Provinsi Maluku mancatat angka absen paleng tinggi waktu apel pardana taong 2026 par Aparatur Sipil Negara (ASN) dan Pegawai Pemerintah dengan Perjanjian Kerja (PPPK) Paruh Waktu. Dar total 6.070 pagawe yang tadaftar, cuma 4.862 orang yang hadir iko apel.
Data ini mancakup 5.224 ASN dan 846 PPPK paruh waktu, teng tarmasuk guru deng tanaga kapendidikan di sekolah negeri. Samentara itu, 1.208 pagawe tacatat seng hadir, deng 575 orang alpa sondor kase katarangan yang jalas.
Ratusan pagawe sondor katarangan dar data saluruh Organisasi Perangkat Daerah (OPD) lingkup Pemerintah Provinsi Maluku, pagawae yang alpa tabage dalang beberapa kategori. Sebanyak 115 pegawai dapa kastau sake, 88 cuti, 193 izin, 18 ada tugas balajar, dan 219 pagawai ada jalang dinas.
Mar, angka yang paleng dapa sorot itu 575 pagawe yang alpa sondor kase alasan ato katarangan apa-apa ka instansi maseng-maseng.
Pelaksana Harian (Plh) Sekretaris Daerah Maluku Kasrul Selang bilang, Pemerentah Provinsi Maluku seng mo toleransi pagawe yang alpa sondor alasan yang sah.
“Kating paleng sarius dalang hal disiplin pagawe. Alpa sondor ketarangang jals seng bisa dapa kas biar. Katong pasti mo kase sanksi iko atorang yang ada,” ujar Kasrul, Senen (5/1/2026).
Dia jalaskan, sanksi awal yang mo diterapkan akang barupa tagoran tartulis. Mar kalo dalang satu dua hari masih ada pagawe seng maso karja sondor kase katarangang, akang pung sanksi tambah lebe nae.
“Sanksi mo kase iko jenjang sasue deng Paraturan Pemerrntah Nomor 94 Taong 2021, tarmasuk pamotongan Tambahan Panghasilan Pagawe (TPP) sabasar 2 persen sasuai deng Paratorang Gubernur tentang TPP yang barlaku,” pungkasnya.
Kasrul tambahkan, langkah panagakan disiplin ini marupakan bageang dar upaya maningkatkan kinerja aparatur pemerentah deng kualitas palayanan publik di Maluku.
“Katong baharap deng panarapan sanksi ini, pagawe tamba lebe sadar akang dong pung tanggong jawab deng kase palayanan paleng bae par masyarakat,” katanya.
Dia pastikan, Pemerentah Provinsi Maluku mo tarus pantau tingkat kahadiran pagawe deng kas katat pangawasan kadisiplinan, par wujudkan tata kalola peemerrntahan yang profesional deng efisien. (red)
