AmbonVibes.com — Wali Kota Ambon Bodewin Wattimena tegaskan, barbage tantangan yang Kota Ambon dapa taong 2026, seng boleh biking tambah parah deng konflik sosial dan parselisihan di tengah masyarakat. Manurut dia, konflik justru biking samua tambah lebe payah, kakuatang barsama jadi lemah, deng akang hambat laju aembangunan kota.
Bodewin bilang bagitu pas abis iko Parayaan Hari Sekami Sedunia ka-183 Tahun di Pusat Paroki Santo Yacobus Ahuru, Minggu (4/1/2026).
Bodewin biking inga, Ambon ini kota milik samua. Kota Manise ini badiri di atas kabaragaman suku, agama, deng budaya. Parbedaan itu, kata dia, musti jaga akang bae-bae sabage kakayaan sosial, bukang par jadi alasan baku lawang.
“Tantangan tahun 2026 su cukup besar. Jang katong tambah lae deng konflik dan parselisihan di tengah masyarakat,” tegas Bodewin.
Dia manilai, katika orang mulai kas tinggal rasa kabarsamaan, potensi konflik akang muncol dan badampak langsung par rasa aman warga deng stabilitas sosial di kota ini.
Manurut Bodewin, kaamanan deng katartiban bukang samata-mata jadi tugas TNI dan Polri, malaengkang tanggung jawab samua warga Kota Ambon. Kasadaran manjaga kaamanan, kata dia, musti mulai dar diri sandiri, kaluarga, sampe lingkungan sakitar.
“Kalo masing-masing jaga di pung lingkungan, manjaga dia pung kaluarga, maka Ambon pasti aman,” ujarnya.
Di awal taong 2026, Bodewin ajak samua elemen masyarakat par tarus sinergi deng pemerintah, biking kuat toleransi, deng tidak gampang dapa makang cabar tagal isu-isu yang bisa biking pica samua.
Bodewin harap, masyarakat seng tambah tantangan baru deng bakalae-bakalae, malaengkang sama-sama bangong Ambon sabage kota yang dame, aman, deng harmonis par semua. (red)
