AmbonVibes.com — Wali Kota Ambon Bodewin Wattimena bilang, Pemerentah Kota (Pemkot) Ambon malalui Dinas Perhubungan (Dishub) tarus biking barbage langkah strategis par kase bae layanan transportasi sakaligus optimalkan tata kalola lalu lintas di wilayah kota.
Upaya itu mancakup pamaliharaan infrastruktur lalu lintas, panataan fasilitas terminal, sampe patroli deng rekayasa lalu lintas sacara rutin par tekan ekan tingkat kamacetan dan biking masyarakat rasa lebe nyaman.
“Pangambangan sektor transportasi deng pangaturan lalu lintas marupakan salah satu prioritas katong dalang rangka mo dukung partumbuhan ekonomi kota deng biking lebe bae kualitas hidup warga Ambon,” ujar Bodewin par wartawan di Balai Kota Ambon, Senen (5/1/2026).
Wali Kota jelaskan, dalang aspek infrastruktur lalu lintas, Dishub Ambon su kas abis pamaliharaan deng panyesuaian lampu lalu lintas di 12 ruas jalang utama yang salama ini kerap jadi titik karamean deng sumber macet.
Pamaliharaan itu maliputi pamariksaan kalangkapan paralatan, panggantian komponen yang rusak, deng panyasuaian waktu karja lampu lalu lintas par salaras iko kondisi lalu lintas harian.
“Deng lampu lalu lintas yang pung fungsi optimal, katong harap bisa kas kurang risiko kacalakaan deng mo biking lancar aros kandaraan, tarutama di jam-jam sibuk,” jelasnya.
Salaeng itu, Pemkot Ambon juga mo tata ulang Terminal Mardika sabagai salah satu pusat transportasi utama di kota. Panataan itu maliputi pambagian zona parkir kandaraan umum deng pribadi sacara lebe tartib, parbaikan fasilitas panunggu macang bangku dan tampa duduk, pamasangan rambu patunjuk yang jelas, deng paningkatan kabarsihan dan kaamanan area terminal.
“Terminal Mardika jadi gerbang utama par banya warga yang pake transportasi darat. Deng panataan yang lebe bae, katong mo kase pangalaman lebe nyaman dan aman par satiap pngguna jasa transportasi,” ujar Bodewin.
Par atasi macet di sajumlah titik strategis, Dishub Ambon juga biking patroli lalu lintas sacara barkala deng biking rekayasa lalu lintas iko kondisi aktual di lapangan. Patroli bajalang sama-sama deng Satuan Lalu Lintas Polresta Pulau Ambon dan Pulau-pulau Lease, tarutama jam sibuk pagi deng sore hari, serta waktu hari libur nasional atau kagiatan skala basar.
Rekayasa lalu lintas maliputi pangaturan ulang arah kandaraan di satu-dua ruas jalang, pambatasan parkir di zona rawan macet, deng pamasangan rambu larangan dan perintah yang lebe tegas.
Wali Kota bilang, samua upaya itu akang tarus dapa evaluasi dan dapa kembangkan eso-eso.
“Katong mo biking evaluasi barkala par lia efektivitas program yang bajalan dan identifikasi area yang masih parlu biking beres. Karja sama lintas sektor deng dukungan masyarakat paleng manantukan kabarhasilan langkah-langkah ini,” pungkasnya.
Eso-eso, Pemkot Ambon malalui Dishub juga rencana kembangkan sistem informasi lalu lintas yang lebe modern deng tingkatkan aksesibilitas transportasi umum sabage alternatif, par biking kurang katargantungan masyarakat par kendaraan pribadi. (keket)
