AmbonVibes.com – Pemerintah Kota Ambon melalui Perumda Tirta Yapono, Dinas Pekerjaan Umum dan Penataan Ruang (PUPR) biking program parluasan akses air barsih yang kase manfaat par 9.862 pelanggan di barbage wilayah Kota Ambon. Program ini sakaligus mancakup rehabilitasi infrastruktur sabage bageang dar upaya paningkatan kualitas hidup masyarakat.
Wali Kota Ambon Bodewin Wattimena bilang, pamanuhan kebutuhan dasar masyarakat, khususnya akses air barsih yang aman deng tajangkau, manjadi salah satu fokus utama pemerentah daerah.
“Aer barsih itu hak setiap warga negara. Katong tarus barupaya pastikan layanan ini bisa jangkau samua lapisan masyarakat di Kota Ambon. Capaian ini marupakan hasil karja sama Perumda Tirta Yapono, Dinas PUPR, serta dukungan masyarakat,” ujar Bodewin par wartawan di Ambon, Sabtu (3/1/2026).
Salaeng biking luas layanan par ribuan pelanggan, Pemkot Ambon juga biking rehabilitasi jaringan pipa aer sapanjang 5.305 meter. Rehabilitasi ini fokus di jaringan lama yang rusak deng boocor. tarutama di titik-titik yang salama ini sering kana gangguan pasokan.
Manurut Wali Kota, parbaikan infrastruktur manjadi bageang penting dalang mmastikan kabarlanjutan layanan aer barsih. Deng jaringan yang lebe bae, pasokan air juga lebe stabil, lalu bisa tekan karugian akibat kabocoran.
Pemkot Ambon juga ganti pompa aer di anam titik strategis yang jadi pusat distribusi aer par wilayah sakitar. Panggantian pompa lama deng paralatan lebe modern deng efisien, akang par tambah kapasitas pasokan aer deng biking kurang risiko gangguan layanan.
Dalang tahap awal parluasan layanan, sabanyak 254 palanggan baru su dapa layan di wilayah Passo, Halong Baru, sampe Kudamati Atas. Wilayah-wilayah ini kamuka masih susah akses aer barsih dar jaringan resmi.
Bodewin bilang, program parluasan akses aer barsih merupakan bageang dar rancana jangka manengah Pemkot Ambon par tambah cakupan layanan aer barsih sampe 90 persen taong 2028. Par dapa target itu, pemerentah daerah mo tarus evaluasi deng parencanaan lanjutan par bisa jangkau wilayah yang balong dapa layan sacara optimal.
Salaeng pangambangan infrastruktur, Pemkot Ambon juga rancana program edukasi deng panyuluhan par masyarakat tarkait pamakeang aer sacara bijak deng pangalolaan limbah aer. Langkah ini par bisa jaga kabarlanjutan sumber daya aer sakaligus dukung kualitas lingkungan di Kota Ambon. (red)
