AmbonVibes.com – Pemerentah Kota Ambon kas tegas komitmen par jaga kelestarian lingkungan deng kukuhkan Satuan Tugas (Satgas) Pangendalian Paradaran Tumbuhan deng Satwa Liar. Kagiatang ini satu rangke deng apel pagi dan panyerahan satwa secara simbolis di Kintal Taman Pattimura Ambon, Senen (22/12/2025).
Dalang apel ini, Wali Kota Ambon Bodewin Wattimena langsung pimpin akang, lalu yang hadir itu Kapolresta Pulau Ambon dan Pulau-Pulau Lease, Kepala Balai Konservasi Sumber Daya Alam (BKSDA) Maluku, Penjabat Sekretaris Kota Ambon, pimpinan OPD, lurah, raja/kepala desa, deng samua ASN lingkup Pemerentah Kota Ambon.
Dalang arahan, Wali Kota Ambon tegaskan pambantukan Satgas ini marupakan langkah konkret pemerentah daerah par respons tantangan karusakan lingkungan deng parlindungan kaanekaragaman hayati, khususnya satwa deng tumbuhan endemik Maluku.
“Katong sadari manjaga alam deng lingkungan, deng akang pung isi har ini jadi paleng panting. Banya bencana alam di Indonesia akang jadi paringatan par katong samua, tagal kondisi alam su baroba deng lebe ancor,” ujar Bodewin.
Bodewin jelaskan, Satgas Pangandalian Paredaran Tumbuhan dan Satwa Liar tabantuk dar koordinasi deng komitmen Pemerentah Kota Ambon sama-sama BKSDA Maluku, sabage upaya pastikan parlindungan sumber daya alam hayati dari praktik paredaran ilegal.
“Satgas ini harap bisa bartugas deng bae, biking pangawasan deng pangandalian par paredaran tumbuhan deng satwa liar, lebe khusus yang endemik Kota Ambon deng Maluku. Ini tugas mulia deng kontribusi nyata par bangsa deng negara,” tegasnya.
Samantara itu, Kapala BKSDA Maluku Danny Hendry Pattipeilohy, S.Pi., M.Si., paleng apresiasi inisiatif Pemerintah Kota Ambon yang su biking Satgas ini. Manurut dia, isu ekologi deng konservasi sakarang jadi parhatian global, tarmasuk di wilayah Maluku.
“Maluku pung kaanekaragaman hayati yang paleng tinggi deng jadi primadona nasional. Mar takanang ekologi macang pamanfaatan non-prosedural, alih fungsi lahan, deng fragmentasi habitat pung potensi punah” jelas Danny.
Danny bilang, bardasarkan evaluasi BKSDA Maluku sejak 2023 sampe 2025, ada amper 100 kasus paradaran tumbuhan deng satwa liar ilegal, deng lokasi Paleng banya di Pelabuhan Yos Sudarso Ambon.
“Satgas ini pung rol panting paskali dalang pangawasan, pangandalian, panegakan hukum, deng edukasi par masyarakat takait konservasi sumber daya alam hayati,” tambahnya.
Danny juga bilang, eso-eso Satgas karja deng atribut, SOP, juga sistem palaporan par manunjang palaksanaan tugas di lapangan. Salaeng itu, BKSDA Maluku deng Pemerentah Kota Ambon sapakat bangong aviary ato display satwa sabage sarana edukasi deng konservasi non-komersial.
“Aviary ini akang jadi sarana edukasi par palajar deng masyarakat, sakaligus pintu maso pangembangan lembaga konservasi di Kota Ambon yang dapa kas kombinasi deng pendidikan, rekreasi, deng wisata,” ungkapnya.
Dia tegaskan, pemerentah pusat malalui Kementerian Kehutanan siap dukung program Pemerentah Kota Ambon dalang upaya parlindungan lingkungan deng konservasi keanekaragaman hayati.
Deng pangukuhan Satgas ini, Pemerentah Kota Ambon manegaskan kaseriusan mnjaga kalestarian tumbuhan deng satwa liar, juga par bangong kasadaran kolektif masyarakat par kabarlanjutan ekologi di Maluku. (Piere)
