AmbonVibes.com — Suasana angat ibadah Parayaan Har Kajadiang di Gareja Peniel Batu Gajah, Jumat (12/12/2025) malang jadi ruang par Wali Kota Ambon Bodewin Wattimena par sampekan pasang Lebe dalang soal makna Natal.
Di muka jemaat, Wali Kota Bodewin biking inga samua, parayaan 25 Desember bukang sakadar tradisi sabang taong, mar momen refleksi dame sejahtera yang Tete Manis bawa par samua orang.
Wali Kota tegaskan, penting par taruh esensi kalahirang Yesus di atas sagala gamarlap perayaan.
“Bukang cuma soal gamarlap deng pesta basar, mar momen par inga makna kalahirang Tete Manis,” ujarnya.
Bodewin bilang, Natal musti jadi ruang par biking tamba dalang iman, kas kuat rasa kasih, deng hadirkan dame dalang kahidupan kaluarga deng orang banya.
Di parayaan ini, Pemerentah Kota Ambon juga bage-bage paket sembako par warga jemaat. Wali Kota bilang, nilai bantuan bukang di akang jumlah malaengkang kahadirang pemerentah sabage wujud kapadulian.
“Yang paleng panting pemerentah hadir, paduli, deng barbage,” katanya.
Dalang sambutan, Wali Kota ada singgung warga yang paleng gerat sambut har kajadiang. Amper saluruh pos jaga, lingkungan jemaat, deng fasilitas publik di kota ini su dapa hias pake lampu deng ornamen Natal.
“Ini manunjukkan eksistensi umat Sarane di Ambon, dan samoga akang jadi tanda bae par kota,” ujar Wattimena.
Mar Bodewin ada biking inga, samua pung tugas par jaga Ambon sabage ruang hidop yang aman deng nyaman. Salah satu yang dapa sorot adalah persoalan banjir tagal sampah rumah tangga di kawasan bantaran sungai.
“Kota yang barsih itu kota yang sehat, deng katong musti k bakarja sama atasi akang,” tegasnya.
Salaeng kabarsihan, Bodewin juga biking inga soal katartiban lingkungan.
“Jang cuma banding deng kota laeng soal kajahatang. Yang panting katong jaga kaamanan di lingkungan masing-masing,” tambahnya.
Paleng laste, Wali Kota ajak samua jemaat iko taladang kasih Kristus deng bawa dame dalang interaksi harhari .
“Kristus datang bawa dame par samua. Tugas katong hari ini, wujudkannya di kahidopang sahari-hari di Kota Ambon,” ujarnya. (Piere)
