AmbonVibes.com – Gubernur Maluku Hendrik Lewerissa resmi satu unit kapal literasi deng ampa perpustakaan ramah anak di Saparua, Kabupaten Maluku Tengah, Senin (8/12/2025). Langkah ini jadi bageang panting par biking lluas akses literasi par anana di Maluku.
Waktu kase sambutan, Gubernur Lewerissa kase apresiasi par samua pihak, lebe khusus par PT Karya Bahari Abadi Yamaha Marine, yang su bantu kapal capat. Kapal capat ini nanti Yayasan Heka Leka Foundation pake akang. Kapal literasi ini akang pung fungsi par jadi sarana panghubung antar-desa par kase layanan literasi yang inklusif par anana, jangkau skolah deng komunitas yang salama ini susah dapa akses.
“Heka Leka su tunju komitmen luar biasa par biking majo pendidikan di Maluku. Upaya rintis perpustakaan ramah anak, deng ampa perpustakaan yang katong resmi har ini, jadi kontribusi paleng panting par kas tamba minat baca deng kualitas balajar anana Maluku,” ungkap Gubernur.
Sebage provinsi kapulauan, Maluku tatongka tantangan pamarataan akses pendidikan. Masih banya anana yang tinggal di pulau-pulau kacil deng katarbatasan buku, pandampingan balajar, deng ruang literasi. Gubernur tegaskan, tantangan itu bisa atasi akang malalui karja sama deng kolaborasi.
Salaeng literasi, Gubernur kase bantuan sarana deng prasarana pertanian par kalompok tani di Saparua, sabage upaya biking bae produktivitas deng katahanan ekonomi masyarakat desa.
“Bantuan ini harap bisa dukung paningkatan produktivitas masyarakat deng biking kuat katahanan ekonomi di tingkat desa,” jelasnya.
Gubernur tutu acara deng ucap danke banya par samua pihak yang su kase kontribusi par biking majo literasi deng kasajahteraan masyarakat Maluku.
“Samoga karja sama ini tarus bajalang deng kase manfaat par Maluku pung bae,” pungkas Hendrik Lewerissa. (Piere)
