AmbonVibes.com – Dalang pangaruh minumang karas (miras), oknum pagawe Universitas Pattimura Ambon Romy Siahaya mangamu di muka Caffe Ujung Jembatan Merah Putih (JMP), Jumat (5/12/2025) malam barang jam 20.00 WIT.
Romy, dalang video yang tabage di palatform WhasApp, deng suara basar tantang pemilik Caffe, Levinus Kariuw. Karicuhan deng cekcok mulu antara dong dua langsung pica.
Akang pung kamuka, Romy Siahaya parkir oto suka-suka di muka Caffe, lalu dapa Tagor dar pamilik kafe. Seng tarima bae, Romy langsung tantang Levinus Kariuw.
” Yah, pegawai (Unpatti), barang kanapa Bu (Bung)?” kata Romy, waktu Levinus hubungi Rektor Unpatti Ambon Prof. Dr. Fredy Leiwakabessy, M.Pd., minta par tagor Romy Siahaya.
Dalam video, Levinus Kariuw su coba bicara bae-bae kas pinda oto. Cuma Romy seng tarima bae.
“Beta bayar di sini bos. Ale parkir sabarang di sini kok Ale ngotot. Beta minta Ale pinda oto dar sini, kan su sadia parkir,” ucap Levinus. (red)
