AmbonVibes.com– Kantor Kesyahbandaran dan Otoritas Pelabuhan (KSOP) Kelas I Ambon sadia 5.862 kuota pulang kampong par Har Kajadiang 2025 deng Tambaru 2026 (Nataru). Jumlah ini nae dua kali lipat kalo banding taong lalu cuma 2.850 penumpang.
Kepala Bidang Lalu Lintas dan Angkutan Laut KSOP Ambon Iyan Ashari jelaskan, dong kasnae kuota par layan masyarakat pung permintaan yang tinggi, waktu program mudik gratis Nataru 2024/2025.
“Pada periode Nataru kamuka, kuota hanya 2.850 pax. Samua abis dalang waktu singkat. Banya masyarakat seng dapa tiket frei karena rute-rute antarpulau memang jadi kabutuhan utama warga Maluku. Tagal itu katong usul tambah kuota jadi 5.862 pax,” ujar Iyan, Selasa (18/11/2025).
Evaluasi KSOP Ambon kas unju, mobilitas masyarakat pas tutu taong akang nae banya, lebe-lebe dong yang tinggal karja di Ambon lalu mo pulkam ke Tual, Saumlaki, Namrole, Seram Timur, hingga Halmahera.
Rute yang dong usul mencakup jalur padat antarpulau, antara lain:
Kawasan selatan dan tenggara: Ambon-Tual 250 penumpang, Ambon-Ambalau 62, Ambon-Namrole 250, Ambon-Leksula 125, Ambon-Damer 94, Ambon-Leti 125, Ambon-Kisar 62, Ambon-Liran 94.
Rute peminat tertinggi: Ambon-Namlea 1.250 penumpang.
Wilayah Seram dan sekitarnya: Ambon-Bula 125, Ambon-Geser 125, Ambon-Gorom 375, Ambon-Seram Bagian Timur 100, Ambon-Bula jalur alternatif 100.
Wilayah timur dan utara: Ambon-Kobisadar, Ambon-Weda, Ambon-Kawas, Ambon-Manado masing-masing 100, Ambon-Ternate 600 penumpang.
Iyan tegaskan, program mudik gratis cuma kase syarat penumpang bawa KTP, itu saja par gampang warga baurus.
“Katong harap kuota yang Katong usul ini bisa dong setuju, supaya pelayanan mudik frei taong ini batul-batul bantu warga Maluku yang mo rayakan har Kajadiang di kampung halaman sondor ada beban biaya transportasi,” pungkasnya.
Program ini dapa harap, mampu kase akses lebe luas par masyarakat Maluku, sekaligus kas kurang antrean panjang dan kepadatan penumpang yang kerap terjadi pada musim mudik taong-taong kamareng. (keket)
