AmbonVibes.com – BKSDA Maluku sita 15 ekor kakatua koki (Cacatua galerita) dar bagasi penumpang KM Labobar, Sabtu (15/11/2025). Petugas dapa tau ada burong yang su dapa lindung, pas waktu petugas Pelni pariksa tiket deng bagasi panumpang. Mar, seng tau akang burong ini sapa yang bawa akang.
Polisi Kehutanan BKSDA Maluku Arga Christyan bilang, kotak-kotak yang penumpang bawa ternyata akang pung isi kakaktua koki, yang su maso daftar satwa yang dapa lindung. Samua burong langsung dapa bawa ka Kandang Transit Resor KSDA Tual par observasi deng rehabilitasi, termasuk pariksa kesehatan par samua stabil sebelum dapa antar pulang ka habitat asli.
Salaeng sita, petugas juga ada biking par kepada penumpang soal larangan peredaran tumbuhan dan satwa liar yang su dapa lindung. BKSDA Maluku juga karja sama deng instansi terkait par cari tau kemungkinan jaringan penyelundup pake jalur laut.
Arga biking inga warga par jang tangka, piara, atau bajual satwa yang su dapa lindung, tagal samua itu baku tabrak deng UU Nomor 5 Tahun 1990 tentang Konservasi Sumber Daya Alam Hayati dan Ekosistem. (Vera)
