AmbonVibes.com – Kabar bae par warga Kota Ambon yang salalu balisa deng seng Teluk Ambon yang pono sampah.
Pemerintah Kota Ambon mo operasi kapal pambarsih sampah deng teknologi tinggi asal Swiss. Akang pung proses rakit nanti dong biking di Ambon. Iko jadwal, kapal mulai bajalang Februari 2026
Su bataong-taong, Teluk Ambon jadi tampa sagala macang aktivitas masyarakat. Mulai dar sampah rumah tangga, limbah ekonomi, sampe plastik-plastik kecil yang taseret air kali. Aer yang dolo jarnih, sakarang suh tabale jadi jalur sampah anyo-anyo. Bukang cuma ganggu pemandangan, mar juga tatusu sampe ka ekosistem, pariwisata, sampe kesehatan masyarakat.
Kapal pambarsih dari Swiss ini dong rancang macang unit pengolahan mini di atas laut. Perakitannya dimulai awal 2026 oleh tim gabungan teknisi lokal dan insinyur dari Sidlin Aerospace, perusahaan Swiss yang dikenal jago bikin inovasi lingkungan basis teknologi aeronautik dan maritim.
Menurut Kepala DLHP Kota Ambon Apries Gasperzs, kapal ini bisa angka satu ton sampah. Yang bikin beda, ada masin sortir otomatis.
“Waktu sampah dapa angka dar laut, masin langsung kas pisah jadi tiga kategori: organik, anorganik, deng plastik,” jelas Gasperzs di Balai Kota Ambon, Jumat (14/11/2025).
Bagitu kapal sandar di dermaga, sampah organik nanti dapa olah jadi pakan maggot, sejalan deng program pengurangan sampah organik milik DLHP. Sementara anorganik dan plastik disalurkan ke mitra daur ulang par jadi bahan baku industri.
“Deng alur macang ini, bukang cuma Teluk Ambon yang barsih, mar katong bangong ekosistem pengelolaan sampah berkelanjutan dan bernilai ekonomi,” tambah Gasperzs.
Selama tiga taong partama, samua biaya operasional kapal—mulai dar bahan bakar, perawatan, pelatihan operator, sampe sistem pemantauan—dapa tanggung langsung dar Sidlin Aerospace. Abis itu, baru dong kase kapal ka Pemkot Ambon.
“Teknologi ini musti berkelanjutan, bukang proyek sesaat,” tegas Gasperzs.
DLHP juga rencana integrasi operasi kapal deng drone dan satelit, par area terdampak bisa dipetakan lebe akurat.
Kehadiran kapal ini disambut positif oleh warga, kelompok nelayan, komunitas lingkungan, sampai akademisi. Selama ini karja bakti dan pembersihan manual tarus dong biking mar jumlah sampah yang maso ka teluk memang talalu basar.
DLHP target pengurangan sampah permukaan hingga 60% dalam dua taong partama operasi.
“Harapan katong, kapal ini bukang cuma biking barsih laut, mar juga biking masyarakat makin sadar jaga teluk. Ini bukan soal alat, ini soal masa depan,” tutup Gasperzs.
Kalau semuanya lancar, Februari 2026 jadi awal baru par Teluk Ambon—lebe barsih, lebe sehat, dan lebe tajagat. Kapal pambarsih dari Swiss ini jadi bukti karja sama lintas negara dan lintas sektor bisa bawa perubahan nyata par lingkungan di Maluku. (Piere)
