AmbonVibes.com – DPRD Kota Ambon bagara capat tagal parkara kakarasang par parampuang deng anana talalu banya. Panitia Khusus (Pansus) Komisi II ada susun Rancangan Peraturan Daerah (Ranperda) tentang Perlindungan Parampuang dan Ana Korban Kakarasang.
Dong uji publik Ranperda di Ruang Rapat Paripurna DPRD Kota Ambon, Senin (10/11/2025), dipimpin Ketua Pansus Komisi II Chiients Aldi Sarimanella. Pejabat yang iko uji publik itu perwakilan Bagian Hukum Setda Kota Ambon, Dinas BP3AMD, Dinas Kesehatan, Dinas Sosial, Rumah Generasi, Tim Asistensi, deng perwakilan RT/RW dan kecamatan se-Kota Ambon.
Sarimanella bilang, Ranperda ini wujud komitmen DPRD dan Pemkot par pastikan parampuang deng anana korban kakarasang bisa dapa lindung deng ada kapastiang hukom.
“Ranperda ini akang pung asas penghargaan par harkat deng martabat manusia, non-diskriminasi, kepentingan terbaik bagi korban, keadilan, kemanfaatan, dan kepastian hukum,” jelasnya.
Salaeng par cegah kakarasang, Ranperda juga ator mekanisme penanganan deng kas pulih korban. Sarimanella bilang, atorang ini biking prosedur hukum jadi jelas, bae kalo pelanggaran yang orang tua biking, bae pihak laeng.
“Kalo ada pelanggaran, su ada pasal yang ator mekanisme par uros akang. Samua nanti baku ator deng dinas terkait,” ungkapnya.
Sarimanella harap, Perda baru ini kas kuat sistem perlindungan parampuang deng anana di Ambon, karena atorang lama su kurang pas deng s kondisi sosial saat ini.
“Data kakarasang par perempuan deng ananabyang maso ka DPRD lumayan banya. Tagal itu, katong harap perda ini jadi langkah nyata par kase perlindungan par korban,” tegasnya.
DPRD Kota Ambon tegaskan komitmen ciptakan keadilan dan perlindungan par parampuang deng ana par dong bisa hidop aman, bermartabat, deng bebas dar kakarasang. (red)
