AmbonVibes.com – Ada kajadiang cilaka di jalang raya tagal dua oto angkot deng trayek baku laeng biking orang Hunuth heboh, Minggu sore (9/11/2025). Baku tabrak ni akang jadi di tikungan tajam deka kuburan desa sekitar pukul 16.00 WIT.
Akang cilaka ini jadi par oto len Asilulu nomor polisi DE 1320 MU yang pung sopir Risaldi Kibas (34) dan oto Hila DE 1345 OU sopir Umar Abdullah Rumasona (23).
Kapolresta Ambon Lease Kombes Pol. Yoga Putra Prima Setya kase tau, kamuka paskali oto dua bagara dar arah baku lawang.
Waktu sampe di tikungan deka kuburan, sopir oto Hila, Umar, kage lae rasa pusing lalu seng bisa bawa oto bae-bae lae. Dia pung oto langsung maso di jalur sabalah lalu tabrak oto Asilulu yang datang dar arah baku lawang.
Tagal baku tatoki karas, tiga orang dapa luka-luka dan langsung dong bawa ka RS Otto Kuyk.
Umar Abdullah Rumasona (23 sopir oto Hila dapa takupas kuli di lutut kanan deng tatoki di rahang mulut kiri.
Anrkbar Lain (24), penumpang Angkot Hila, dapa luka takupas di dagu, bibir atas, tagores di testa kiri, denf tatoki di kapala — akang biking korban dapa luka banya.
Risaldi Kibas (34), sopir oto Asilulu dapa luka takupas di kaki.
Kapolresta Ambon Lease biking inga sopir oto par tau dong pung oto pung keadaan sebelum dong pi mancari, apalai di tampa rawa
“Katong sakarang maso lia lebe jao deng oras ini par ini masih care tau lebe jao par dapa tau lebe dalang par jang sampe taulang kumbali,” pungkas Kombes Pol. Yoga. (red)
