AmbonVibes.com – Dinas Kesehatan Kota Ambon bar abis biking kegiatan Pengenalan Metode Skrining Kanker Serviks deng HPV DNA sebagai Co-Testing IVA, di Swiss-Belhotel Ambon, Rabu (5/11/2025). Sosialisasi ini bageang dari upaya biking kuat upaya cari tau tempo-tempo, deng dukung target nasional eliminasi kanker serviks 2030.
Wakil Wali Kota Ely Toisutta bilang, kanker serviks masih jadi salah satu faktor yang jadi sebab tertinggi parampuang maninggal dunya di Indonesia.
“Sabang taong ada lebe dar 36 ribu kasus baru deng kira-kira 21 ribu maninggal dunya,” ujarnya.
Di Kota Ambon, cakupan skrining pasca pandemi COVID-19 masih di bawah 5%, deng rata-rata hasil IVA positif 2%, dan sekitar 15% dar dong itu parlu tindak lanjut di fasilitas rujukan.
“Katong musti bilang syukur tagal sakarang su ada dua unit layanan krioterapi di Puskesmas Benteng dan Puskesmas Karang Panjang, par urus akang tempo-tempo,” jelas Ely.
Ely tekankan metode skrining terbaru HPV DNA akang paleng penting, lebe akurat tagal bisa dapa tau virus HPV penyebab kanker serviks sebelum sel barobah. Deng metode ini, pariksa kanker serviks bisa lebe objektif, konsisten, deng akang pung interval bisa kas panjang sampe lima taong kalo akang pung hasil negatif.
“Katong harap metode ini bisa biking luas jangkauan dan lindung lebe banya parampuang Ambon dar panyaki yang biking mati ini,” tambahnya.
Pemkot Ambon juga pung komitmen tegas par karja sama deng samua pihak, termasuk fasilitas kesehatan, organisasi profesi, deng mitra pembangunan, pa biking kuat sistem tongka pela kanker serviks.
“Semoga langkah har ini jadi bageang dar upaya nyata mewujudkan parampuang Ambon yang sehat, kuat, deng pun daya,” tutup Ely.
Vice President Marketing Operation PT Biofarma Hersi Rosilani jua ada jelaskan lai, kegiatan ini hasil kolaborasi deng Dinas Kesehatan par dukung Rencana Aksi Nasional Peningkatan Kesadaran Deteksi Dini Kanker. Hersi ajak masyarakat kalesang lingkungan paleng deka-deka par lebe banya parampuang mo sadar deteksi dini akang paleng parlu par dong.
“Kanker serviks bisa dapa cegah dan dapa tau tempo-tempo deng metode modern HPV DNA. Lebe banya parampuang dapa lindung, lebe sadikit yang talat dapa diagnosis,” ujarnya.
Hersi juga bilang, kegiatan ini akang baku tamakang deng tema Hari Kesehatan Nasional 2025, ‘Generasi Sehat, Indonesia Hebat’.
“Parampuang yang sehat nanti lahirkan generasi sehat, lalu dar sana hari eso bangsa yang kuat bermula. Mari kobarkan samangat hidop sehat dan deteksi tempo-tempi par masa depan parampuang Indonesia yang lebe sehat, kuat, dan bahagia,” tutupnya. (red/mcambon)
