AmbonVibes.com – Wali Kota Ambon Bodewin M. Wattimena kase apresiasi par Kota Ambon pung hasil pembangunan yang tambah bae, termasuk Indeks Pembangunan Manusia (IPM) yang oras ini su dapa angka 83,47 — hasil ini kase gambaran kemajuan bidang pendidikan, kesehatan, dan kualitas hidup masyarakat.
Bodewin bilang akang waktu kase sambutan par lantik pengurus Ikatan Cendekiawan Muslim Indonesia (ICMI) Orda Kota Ambon periode 2025–2030 di Hotel Grand Avira Ambon, Sabtu (1/11/2025).
Wali Kota tegaskan, pemerentah seng bisa bajalang sandiri. Ontua ajak ICMI par jadi mitra strategis par bangong Ambon yang berbudaya, bersih, dan bermartabat.
“Bangong kota ini seng bisa sandiri. Katong parlu dukungan samua pihak, termasuk ICMI. Deng ICMI Orda Kota Ambon su ada bagini, katong rasa dapat tambah kakuatang basar par sama-sama bangong kota ini ka arah yang lebe bae,” ujar Wattimena.
Menurut Bodewin, ICMI pung potensi basar sebagai wadah pemikiran dan inovasi, yang bisa bantu pemerentah cari solusi atas berbagai tantangan sosial, ekonomi, maupun lingkungan.
“Katong harap ICMI bisa bantu identifikasi persoalan di lapangan, kase ide-ide konstruktif, dan jadi motor penggerak kemajuan kota,” tambahnya.
Bodewin juga sorot dua hal penting yang masih jadi pekerjaan bersama yaitu pengelolaan sampah dan potensi konflik sosial. Ia tegaskan, manjaga kebersihan dan kedamaian kota adalah tanggung jawab bersama.
“Kalo katong samua peduli deng buang sampah deng banar, Ambon pasti jadi lebe manis. Deng kalo Katong baku hargai perbedaan, Ambon tetap dame. Sapa sa yang tinggal di kota ini harus cinta Ambon,” tegasnya.
Wali Kota ajak ICMI jadi kekuatan moral dan intelektual, yangb tanam nilai kemanusiaan, bikin kuat ekonomi umat, serta biking tumbuh budaya cinta lingkungan dan cinta Ambon.
“Mari katong sinergi, kolaborasi, dan biking inovasi par biking Ambon lebe bae, lebe majo, deng lebe dame,” tutup wali kota. (Piere)
