AmbonVibes.com — Orang Dusun Karang-Karang Kampung Dalam, Desa Poka, Kecamatan Teluk Ambon su lama mimpi aer barsih. Mimpi itu baru jadi nyata Kamis (30/10/2025). Ini samua tagal ada tangang-tangang bae dari Program TNI Manunggal Membangun Desa (TMMD) ke-126 Kodim 1504/Ambon. Tantara biking reservoir atau tampa tampong aer barsih.
Dansatgas TMMD Ke-126 Kolonel Inf Hari Sandra bilang, reservoir ini salah satu sasaran fisik tambahan unggulan yang Kepala Staf Angkatan Darat (Kasad) mau akang bagitu.
“Akang jadi perhatian katong tagal warga selama ini susah dapa aer barsih,” jelas Kolonel Hari Sandra.
Selama ini, warga bagantong par masin tanaga surya par bisa dapa aer. Mar air yang maso seng tantu tagal ujang deng panas nae-turung. Deng ada reservoir baru ini, aer barsih bisa dapa tampung lebe aman deng berkelanjutan.
Kolonel Hari Sandra bilang lai, fasilitas ini baku tamakang deng upaya TNI dukung pemerintah daerah biking cepat rakyat majo sejahtera, khususnya par dapa aer barsih.
“Katong harap seng ada warga yang kurang-kurang aer lai. Fasilitas ini musti jaga deng rawat, par kepentingan jangka panjang anak cucu katong,” tegasnya.
Reservoir ini bisa jadi berkat karja sama erat Satgas TMMD dan warga setempat, bukti prinsip Kemanunggalan TNI deng Rakyat. Kolonel Hari Sandra kase apresiasi par masyarakat yang aktif karja dukung seluruh program TMMD.
“Semoga fasilitas ini bisa dorong kesejahteraan warga dan jadi bukti nyata kemanunggalan TNI-rakyat yang seng bisa tapisah,” pungkasnya. (red)
