AmbonVibes.com — Aru biking sejarah baru. Par partama kali, Kitab Suci Perjanjian Baru pake Bahasa Dobel dong lapas dalang ibadah syukur di Desa Kojabi, Aru Tengah, Rabu (29/10/2025).
Peluncuran ini akang jadi momen penting par lebe dar 18.000 penutur Bahasa Dobel, yang tabage-bage di Pulau Kobror dan kampung laeng deka-deka situ.
Acara mulai deng arak-arakan Alkitab dar rumah tua Keluarga Gaite ka Gedung Sementara Gareja Bethania Jemaat GPM Kojabi. Suasana sakral dapa rasa waktu ibadah pake liturgi yang samua-samua dalam Bahasa Dobel. Pendeta Tari Louloulia/B, S.Si. Teol pimpin ibadah deng sagala bae.
Misionaris Skotlandia Jock Hughes—perintis Alkitab Dobel—secara simbolis kase Alkitab parr Ketua Majelis Pekerja Harian (MPH) Sinode GPM Pdt. S. I. Sapulette, par bage akang ka pimpinan klasis Pulau-Pulau Aru, Aru Tengah, Aru Selatan, deng perwakilan GKPII.
“Apa yang katong lapas ini par jaga Bahasa Dobel, par orang Dobel bisa baca Firman Tuhan dalam dong pung bahasa sandiri,” ujar Hughes, yang akrab dapa pangge Ake Sam, waktu kase sambutan pake Bahasa Dobel.
Ketua MPH Sinode GPM Pdt. S. I. Sapulette deng hati rasa sanang tarima Alkitab Dobel. Pandita bilang, Alkitab ini sakarang su bisa langsung pake dalang samua ibadah jemaat GPM wilayah Aru.
“Alkitab Dobel su bisa pake dalang ibadah Minggu, ibadah keluarga, deng ibadah laeng-laeng,” kata Sapulette.
Peluncuran Alkitab Dobel ini hasil karja sama Yayasan Pengembangan Sar Abil, penutur asli, dan mitra misionaris dari luar negeri.
Dalang proosesi ini, ada datang hadir Bupati Kepulauan Aru Timotius Kaidel deng Nyora Kaidel, Kapolres AKBP Albert Perwira Sihite deng Nyora Sihite, pendeta dari macang-macang klasis, misionaris Jock dan Katy Hughes, serta pengurus yayasan.
Momen ini bukang cuma par biking lestari Bahasa Dobel, mar juga bawa Firman Tuhan lebe deka ka hati deng lida orang Dobel. (Michael)
