AmbonVibes.com – Sidang ke-39 Sinode Gereja Protestan Maluku (GPM) di Gereja Maranatha Ambon, Sabtu (25/10/25) su sampe di akang pung ujung deng sagala bae.
Sinode akhirnya pilih Pandita S.I. Sapulette par jadi Ketua Majelis Pekerja Harian (MPH) Sinode GPM masa pelayanan 2025-2030. Sapulette ganti Pandita Elifas Maspaitella yang su abis pimpin masa layanan kalamareng.
Dalam sesi kas maju bakal calon, Sapulette su langsung kantara lebe unggul dar samua nama yang nae. Sapulette dapa 159 suara, Pdt. D. Wattimanela 74 Suara, Pdt. R. Rahabeat 30 suara, Pdt. H. H. Hetharia, M.Th 8 Suara, Pdt. N. N. Souisa/G 1 suara. Ada ampa suara seng sah.
Deng hasil ini, Iko kriteria pemilihan, Sapulette langsung dapa angka nae tagal suara yang ada su lebe sisa deng seng ada lawang.
Sampe berita ini kaluar di media, Sinode ada basadia par pilih calon Wakil-Wakil Ketua deng Sekretaris Umum MPH Sinode GPM.
Pandeta Rico Rikumahu su dapa pilih par jadi Wakil Ketua 1 MPH Sinode GPM. Sedangkan Pendeta Dana Lohy dapa pilih par Wakil Ketua 2.
Abis ini, nanti mo pilih sekretaris umum lai.
