AmbonVibes.com – Dapa di mana kajadiang mudel bagini? Mama pegang ana parampuang muda pung dua tangang, krep ana pung badan, trus papa tiri lapas ana pung pakeang. Abis itu, papa tiri nae, maeng seks iko suka.
Ini bukang carita batu badaong. Ini kajadiang nyata di Tanimbar, Maluku. Akang pung carita, akang mulai dar laki-bini PL dan ML baku cere, padahal dong su pung dua ana.
Abis cere, Mama ML bawa dua ana pi tinggal di Amdasa. Nah, di Amdasa ML parnah tuduh dia pung ana MS hamil. MS bilang seng hamil, cuma saki, susah makang, hati nae-nae.
Mama ML lalu bawa ana parampuang pi priksa di bidan. Bidan di Amdasa priksa lalu akang pung hasil negatif. MS seng hamil.
Mama ML deng kekasih baru EL pindah ka Saumlaki. Dong tinggal di kos-kosan. Mama ML tetap anggap MS ada hamil. Jadi dia pijat ana pung poro, deng biking jamu par kas talapas ana bayi.
ML tetap anggap dia pung ana hamil, dan tetap paksa kas talapas. MS tetap bilang seng hamil. Sedangkan ML pung ide gila muncul. ML mau, dia pung kekasih EL tidor kaya laki-bini deng dia pung ana parampuang. Dia bilang, bagitu boleh par bisa kas talapas ana bayi. MS seng mau paskali.
Biar MS seng mau, ML tetap paksa. Hari itu Sabtu, 30 Agustus 2025, jam 21.00, malam Minggu, ML loko ana parampuang MSS pung dua tangang. Dia krep lalu tindis ana pung badan.
Tagal MS yang baru umor 15 taong su seng bisa bagara, MS pung kekasih EL snang-snang sa lapas ana tiri pung pakeang dalang. EL laklaki 34 taong nae lalu pete bunga yang masih pranggang.
MS tapokol. Seng sangka mama gandong deng papa tiri bisa barbuat bagitu par dia.
Untung bae, korban masih sempat pigi baku dapa keluarga laeng, termasuk papa gandong.
Sang papa gandong PL langsung bagara lapor polisi, 1 Oktober lalu. Polisi langsung bagara lai. Akang pung eso, 2 Oktober, polisi loku dong dua lalu su langsung jadi tersangka.
Kasat Reskrim Polres Kepulauan Tanimbar, AKP Riffaat Hasan bilang, dong dua kana dadesu Pasal 81 ayat (1), (2), dan (3) Undang-Undang Nomor 17 Tahun 2016 tentang Perlindungan Anak. Akang pung hukuman bisa sampe 20 tahun bui karena pemberatan.
“Parkara kekerasan par anak itu kejahatan luar biasa, extraordinary crime. Anana itu masa depan bangsa yang musti dapa jaga deng bae. Juga rumah, musti jadi tampa paleng aman,” tegas Riffaat.
Kapolres Kepulauan Tanimbar AKBP Ayani, bilang, polisi tarus biking penerangan deng pendekatan ka masyarakat, par bisa jaga anana bae-bae. (red)
