AmbonVibes.com – Kalo seng ada halangan, har Sabtu (25/10/2025) eso, Gereja Protestan Maluku (GPM) su pung Ketua Sinode yang baru, par ganti Ketua Sinode Elifas Maspaitella.
Dar tiga nama sapa-sapa yang mo nae, sampe har tadi, tinggal dua nama yang paleng kancang, pung kans par nae. Dua nama itu Pendeta Rudy Rahabeat dan Pendeta S. I. Sapulette. Dua figur ini sama-sama ada dalang pengurus MPH Sinode GPM periode yang baru abis.
Satu nama laeng itu H. H. Hetharia yang sakarang jabat Rektor UKIM Ambon, palang-palang mulai ilang dar aros. Satu dua peserta bilang, Hethariabl bagus par tetap jaga UKIM.
Sapulette pung nama muncul tarus tagal banya yang parcaya dia pung pengalaman biking kuat lembaga GPM.
“Sapulette itu organisatoris yang hebat,” kata salah satu peserta.
Sedangkan Rahabeat pung nama nae tagal orang parcaya, Rahabeat bisa bawa GPM balumpa kamuka, tagal hubungan yang kuat deng orang basudara di luar GPM.
“Rahabeat itu reformis yang inovatif, relasi lintas iman paleng hebat,” kata peserta laeng.
Delapan Komisi Beres
Sampe hari ka anam Sidang ka-39 Sinode GPM di Gereja Maranatha Ambon, Jumat (24/10/2025), forum su tarima hasil-hasil komisi par jadi hasil sinode.
Hari tadi, Sidang Sinode bahas abis hasil sidang Komisi Anggaran, Komisi Pesan, Komisi, Komisi Kriteria. Masih ada satu komisi yang balong kelar karena masih sampe di komisi kriteria.
Komisi paleng laste itu Komisi Umum & Rekomendasi, yang nanti mo bahas malam ini sampe abis.
Hari kamuka, Sinode su lebe dolo bahas lalu tetapkan hasil karja Komisi Ajarang Gareja, Komisi Liturgi-Musik, Komisi Regulasi, deng Komisi PIP/RIPP deng RPPS.
Sidang-Sidang Pleno bajalang deng bae dalang pimpinan Majelis Katua yaitu Pdt Elifas Maspaitella, Pdt Ny L. Rangkotatat, Pdt A. E. Koffit, Pnt Michael Lilimau, deng Pnt M. Timisela/P.
Sidang-sidang akang paleng sumangat. Peserta paleng banya sumbang suara par biking bae hasil-hasil sidang samua komisi. (Opa)
