AmbonVibes.com – Sidang Ka-39 Sinode GPM di Gereja Maranatha Ambon su maso hari katiga, Rabu (22/10/2025). Sidang akhirnya su biking kaputusan penting soal Gareja pung ajarang.
Di har ini, setelah samua komisi abis sidang, forum lanjut ka sidang pleno. Ampa jam, samua dudu dengar Komisi Permanen Ajarang Gareja pung hasil. Lalu ada tanggapan 20 peserta, dalang dia babak.
Rame tagal ajarang gareja yang serius deng penting ini, kadang ada bumbu-bumbu lai sampe samua forum bisa Lebe santai mar serius. Apalai, Ketua Komisi Pandita Leo Tuhumena bisa biking forum jadi cair.
Forum sadiki rame par ajaran soal perkawinan, sidi par orang dewasa yang pinda agama deng denominasi, deng ada barapa istilah teknis. Misalnya, istilah gereja mini dan ecclesia domestica.
Sore pas jam 17.00 WIT, Sidang akhirnya sepakat tarima hasil Komisi Ajaran Gareja, deng catatan-catatan perubahan.
Sebelum itu, Ketua Sinode GPM Pendeta Elifas Maspaitella minta samua jaga bae-bae ajaran gereja yang pung sejarah paleng panjang, sejak gareja purba.
Elifas tantang para pendeta yang akademisi, par bisa olah sejarah ajaran gereja, bisa dalang bentuk tesis, disertasi deng yang laeng. (Opa)
