AmbonVibes.com — Rame paskali di pinggir Pante Elomel, Ohoi Sathean, Kei Kecil, Selasa (21/10/2025). Ribu orang bakumpul par bisa lia Lomba Dragon Boat dalang Festival Pesona Meti Kei (FPMK) 2025.
Ada 37 tim peserta dari macang-macang tampa di Maluku Tenggara, termasuk tim Dragon Navy Koarmada III dari Sorong, Papua Barat Daya, iko festival ini. Ini bukti FPMK tamba top di tingkat nasional.
Abis festival pung pembukaan dan pasang tanda peserta, suara tifa pica-pica deng penontong bataria iko pendayung yang kompak panggayong prau naga, simbol semangat gotong royong, kompetisi sehat, dan warisan budaya laut orang Kei.
Bupati Maluku Tenggara Muhamad Thaher Hanubun bilang, persaudaraan lebe penting darpada kemenangan.
“Festival ini kebanggaan katong samua. Yang paleng penting bukangbkemenangan, mar persaudaraan deng kedamaian. Mari katong jaga ketertiban dan tunjukkan keramahan khas orang Kei,” ujarnya.
Hanubun tambah lai, FPMK tetap tarus jadi agenda tiap taong par mempromosikan pariwisata Maluku Tenggara di tingkat nasional deng internasional.
“Katong inging festival ini tarus hidop deng tamba maju, jadi ikon pariwisata yang biking bangga orang Kei,” tegasnya.
Bupati Maluku Tengah Zulkarnaen Awat Amir Iko hadir, dan sanang paskali lia rame-rame di festival ini.
“Beta rasa ini macang pulang kampung. Semoga Meti Kei tarus maju dan tamba terkenal,” ungkapnya.
FPMK 2025 jadi bukti olahraga, budaya, dan keindahan alam bisa jadi satu, biking kuat citra Maluku Tenggara sebagai destinasi wisata unggulan di timur Indonesia. (Vera)
