AmbonVibes.com — Parkara SPPD fiktif di Dinas Pendidikan dan Kebudayaan (Disdikbud) Provinsi Maluku masih tarus dapa pariksa di Kejaksaan Tinggi (Kejati) Maluku. Puluhan saksi, termasuk guru deng pegawai internal, su dapa pariksa par biking kuat bukti.
Kasi Penkum dan Humas Kejati Maluku Ardy bilang, mantan Plt Kadis Pendidikan Maluku Drs. James Lewakabessy mo dapa pangge par kase keterangan.
“Tantu katong pasti pangge dia, bagitu juga pihak-pihak laeng,” kata Ardy saat kegiatan Pelayanan Media dan Kehumasan Kejati di Ambon, Jumat (10/10/2025).
Menurut Ardy, saksi-saksi dapa pariksa par jaksa mo cari tau indikasi dong pake kepeng par perjalanan dinas mar seng sesuai fakta di lapangan.
“Su puluhan saksi dapa pariksa, dar internal maupun eksternal Dinas Pendidikan, termasuk para guru,” tambahnya.
Sementara itu, James Lewakabessy bilang siap karja sama kalo dapa pangge dar jaksa. Dia anggap apa yang jaksa biking itu wajar par penegakan hukum dan kepeng orang banya.
“Kalo Beta dapa pangge, Beta pasti Iko par hadir. Mar beta seng talalu tau banya,” ujarnya.
Kejaksaan tegaskan, kasus ini dong proses secara profesional, dong pastikan samua pihak yang tasangko dapa pariksa, lalu nanti mo biking langkah hukum barikut (Piere)
