Ambon, AmbonVibes.com – Ribu orang datang bikin pono Jalan A.Y. Patty, Senin (8/9/2025), par biking rame pesta Hari Jadi ka-450 Kota Ambon. Dong samua mo iko ambe bageang dalang Makan Patita – budaya makang sama-sama, cara Maluku.
Makang patita memang dong su tunggu-tunggu akang. Apalai, akang su jadi tanda hidop orang basudara.
Meja Panjang, Hidangan Khas Maluku
Dari pagi jam 08.00 WIT, meja panjang su taator moi paskali. Di atas akang, pono deng makanang khas Maluku: ikan bakar colo-colo, papeda, kasbi rabus, sampe umbi-umbi makanan tanah.
Pas abis upacara, orang yang su tunggu dar pagi langsung rame-rame bakira di meja makang. Suasana pono deng tawa, hangat, deng rasa basudara biking samua orang mo batahang lama-lama
Suara Warga: Syukur & Terima Kasih
Ibu Nengsi, salah satu warga yang iko makang patita bilang: “Puji Tuhan, katong bisa makang siang sama-sama, gratis lai. Rasa hidop basudara itu paling utama, tradisi ini harus katong jaga tarus,” ujarnya sambil senyum.
Warga lain, Rahman, juga tambah: “Makanang sadap paskali. Ada papeda, kasbi, ikang, colo-colo. Danke Pemkot, su biking acara bagini,” ungkapnya.
Panitia juga kase inga, kalo makang cuma di tampa, seng boleh bungkus bawa pulang.
“Katong sadia akang par samua orang makang sama-sama di sini, bukang par bawa pulang,” jelas salah satu panitia.
Bukan Sekadar Makan, Tapi Persatuan
Tradisi Makan Patita tiap Hari Jari Ambon bukang cuma soal kanyang, mar ntanda bahwa katong yang beda satu deng laeng bisa dudu-dudu di satu meja makang.
“Lia sa, samua dudu sama-sama, makang sama-sama, rasa satu hati. Semoga semangat ini tetap ada di orang Ambon,” tutup panitia.
Selain Makan Patita, perayaan Hari Jadi ke-450 Ambon juga tambah rame deng musik tradisional, tarian daerah, dan pameran UMKM lokal. Produk-produk khas Ambon dong jejer kas unju biking suasana tamba rame. (red/kbrn)
