AmbonVibes.com – Dinas Lingkungan Hidup dan Persampahan (DLHP) Kota Ambon ada biking pica aksi. Kalamareng, Jumat (5/9/2025), do bikin program bali sampah plastik langsung dar masyarakat di Pattimura Taman.
Dar hasil lia-lia di lapangan, suasana rame paskali. Warga datang bawa dong pung sampah plastik yang su ator akang bagus-bagus, lalu timbang. Akahg pung harga Rp5.000 satu kilo. Lumayan to, sampah jadi kepeng.
Target 10 Ton Sampah Plastik
Kepala DLHP Kota Ambon Apries Gaspersz, yang baru dapa lantik 22 Agustus 2025 lalu bilang, ini inovasi baru yang akang jadi agenda saban bulang.
“Par hari ini, katong ser 10 ton sampah plastik. Satu kilo Rp5.000,” jelas Apries.
Ia juga kase apresiasi par warga dan komunitas pencinta lingkungan yang ada iko sama-sama . Menurut, Apries, program ini bukang cuma biking warga dapa kepeng, mar juga bikinf kota tambah barsih.
“Sampah plastik yang har ini katong hargai Rp5.000, ternyata pung manfaat banya paskali. Bukang cuma par masyarakat, mar juga par Ambon lebe barsih,” tambahnya.
Harapan untuk Kolaborasi
DLHP pasang target kegiatan ini bajalang saban bulang, par bisa kas kurang sampah plastik yang selama ini dong masih hendel deng cara biasa-biasa.
Apries harap nannti ada lebe banya kolaborasi. “Katong harap perusahaan-perusahaan deng instansi lain bisa sama-sama karja deng DLHP, biar katong bisa bikin Ambon yang barsih deng tamba manis,” tutup Apries . (Piere)
