AmbonVibes.com – Polisi dari Polsek Salahutu ada loko 250 liter sopi waktu dong razia di oto lintas Seram–Ambon di Pelabuhan Hunimua, Negeri Liang, Selasa sore (2/9/2025).
Sopi Dapa Loko di Oto Ambon–Masohi
Dong razia mulai dar jam 3 sore, dong pariksa oto-oto penumpang, truk sampe bus yang baru sandar dari Pelabuhan Waipirit, Seram Barat.
Kasi Humas Polresta Pulau Ambon Ipda Janet Luhukay bilang, sopi itu dong dapa akang di dalangvbus jurusan Ambon–Masohi.
“Barang bukti sopi titipan penumpang. Tiga karung isi sopi, samua kira-kira 250 liter,” jelas Janet.
Sopi yang dapa loko langsung dapa tumpa sampe abis di tampa razia.
Polisi: Jaga Kota Par Bae
Menurut Janet, razia sopi ini bageang dari operasi rutin par tekan peredaran miras tradisional di Maluku.
“Akang pung tujuan par peredaran sopi bisa dapa tekan, dan situasi tetap aman dan bae-bae sa” tambah Janet.
Polisi juga kase pasti, pengawasan di pelabuhan akang tarus dapa gepe, par sopi jang maso Ambon banya-banya. (Piere)
