AmbonVibes.com – Jumlah tersangka yang Iko bakar deng biking ancor rumah orang Hunuth/Durian Patah Kecamatan Teluk Ambon, su batamba.
AP Alias U Jadi Tersangka
Kabid Humas Polda Maluku Kombes Pol Rositah Umasugi bilang penyidik Ditreskrimum baru sa tamba satu orang lai par jadi tersangka. Dia pung nama AP alias U.
“AP alias U jadi tersangka pas abis dapa pariksa 31 Agustus, trus polisi gelar parkara . Dari situ baris polisi resmi biking dia jadi tersangka,” jelas Rositah, Selasa (2/9/2025) malam.
AP alias U sapa gai pake Pasal 170 ayat (1) dan (2) KUHP dan/atau Pasal 406 KUHP. Mulai Senin (1/9/2025), dia su dapa tutu di Rutan Polda Maluku.
Satu Tersangka Masih di Bawah Umur
Deng su tamba AP ini, sakarang tersangka parkara Hunuth/Durian Patah su dua orang. Kamuka, polisi su biking IS sebagai tersangka pada 30 Agustus.
“Untuk IS, dia seng dapa tahang tagal masih anak nae-nae badang,” tambah Rositah.
34 Saksi Su Dapa Periksa
Sampe oras tadi, penyidik Ditreskrimum Polda Maluku su pariksa 34 orang saksi. Samua ini par kumpol bukti yang cukup, par bisa buka sapa-sapa lae yang Iko bikin rusak deng bakar rumah-rumah orang Hunuth/Durian Patah. (Piere)
